ජනතා විමුක්ති පෙරමුණ ප්‍රමුඛ එතර අපි සංවිධානය විසින් සංවිධානය කරන ලද උත්සවයකට සහභාගි වූ සංවිධායකයන් සහ සංගීතවේදීන් ඇතුළු ශ්‍රී ලාංකිකයන් 24 දෙනකු කුවේට් රාජ්‍යයේදී අත්අඩංගුවට ගෙන ඇති බව තමාට දන්වා ඇතැයි කම්කරු හා විදේශ රැකියා ඇමැති මනූෂ නානායක්කාර පවසයි.
සිය X ගිණුම ඔස්සේ ඇමැතිවරයා පණිවිඩය නිවේදනය කර ඇත.
ඇමතිවරයා සිය X ගිණුමට එක්කර ඇති අදාළ සංගීත සංදර්ශනයේ ප්‍රචාරක දැන්වීමට අනුව උපේඛා නිර්මාණි, සමනලී ෆොන්සේකා, ඉන්ද්‍රචාපා ලියනගේ සහ ජොලි සීයා ඇතුළු ශ්‍රී ලාංකික සංගීතවේදීන් පිරිසක් ඊට එක්වන බව දැක්වේ.
කුවේට්හි තානාපති කාර්යාලය අමතා ඇති අතර හැකි ඉක්මණින් ඔවුන්ව නිදහස් කර ගැනීමට කුවේට් නිලධාරීන් සමඟ කටයුතු කරමින් සිටින බව ඇමතිවරයා වැඩිදුරටත් සඳහන් කරයි.