විශ්ව විද්‍යාල කඩඉම් ලකුණු සකස් කිරීම කඩිනම් කිරීමට පියවර ගෙන ඇති බව විශ්ව විද්‍යාල ප්‍රතිපාදන කොමිෂන් සභාව පවසනවා.
සිසුන් 87,000ක් විශ්ව විද්‍යාල ප්‍රවේශය සඳහා ඉල්ලුම් කර ඇති අතර, විශ්ව විද්‍යාල සඳහා ඇතුළත් කර ගැනීමට අපේක්ෂිත සිසුන් සංඛ්‍යාව 43,000කට අධික බවයි එම කොමිසම සඳහන් කළේ.
කෙසේ වෙතත් විශ්ව විද්‍යාල ප්‍රතිපාදන කොමිසමේ සේවක හිඟය හේතුවෙන් ඒ සඳහා යම් බාධා මතුව ඇති අතර, විශ්ව විද්‍යාල කිහිපයකින් ඒ සඳහා නිලධාරීන් පත් කිරීමට පියවර ගන්නා බවයි එම කොමිසම සඳහන් කළේ.
ඒ අනුව කඩඉම් ලකුණු ලබන මස අවසානයට පෙර නිකුත් කිරීමට සැලසුම් කර ඇති බව විශ්ව විද්‍යාල ප්‍රතිපාදන කොමිසම වැඩිදුරටත් සඳහන් කරනවා.