2024 කාන්තා පන්දුවාර විස්සයි-20 ආසියානු කුසලාන ක්‍රිකට් තරඟාවලිය ජයග්‍රහණය කළ ශ්‍රී ලංකා කාන්තා ක්‍රිකට් කණ්ඩායම ඇගැයීමේ උළෙලක් අද පස්වරුවේ පැවැත්විණි.
ශ්‍රීලංකා කාන්තා ක්‍රිකට්ක ණ්ඩායමේ ධෛර්ය සම්පන්න සුවිශේෂී උත්සාහය සහ කැපවීම දේශයට අභිමානයක් සහ සුවිශේෂී පිළිගැනීමක් ගෙන දෙන්නට සමත් විය.
එහිදී විජයග්‍රාහී ශ්‍රී ලංකා කාන්තා ක්‍රිකට් කණ්ඩායමට ශ්‍රිලංකා ක්‍රිකට් වෙතින් ඇමරිකන් ඩොලර් 500,000ක් (රුපියල් කෝටි 15ට අධික මුදලක්) පිරිනමනු ලැබීය.
ආසියානු කුසලාන විස්සයි 20 අවසන් මහා තරගය ප්‍රභල ඉන්දීය කණ්ඩායම පරදවමින් කඩුලු 8 කින් ජය ගැනීමට ශ්‍රී ලංකා කාන්තා කණ්ඩායම සමත් විය.
දඹුල්ල ක්‍රිකට් ක්‍රීඩාංගණයට පැමිණි අතිවිශාල ජනකාය ඉදිරියේ ඉතිහාසයේ පළමු වරට ආසියානු කුසලාන කාන්තා ශුරතාවය අපරාජිතව තමන් සතුකර ගැනීමට ශ්‍රී ලංකා කාන්තා කණ්ඩායම සමත් වීම විශේෂත්වයක් වන අතර ශ්‍රී ලංකා කාන්තා කණ්ඩායම මීට පෙර අවස්ථා 5 කදී ආසියානු කුසලානයේ අනු ශුරියන් බවට පත්ව තිබුණි.