“නාමල් ගැන මගෙන් අහන්න එපා” – මහින්ද රාජපක්ෂ කියයි !

ශ්‍රී ලංකා පොදුජන පෙරමුණ පක්ෂ මූලස්ථානයේ පක්ෂ නිර්මාතෘ බැසිල් රාජපක්ෂ මහතා සහ පක්ෂ නායක හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් අද (23) සාකච්ඡාවක් පැවැත්වුණා.

ඉන් අනතුරුව මහින්ද රාජපක්ෂ මහතා මෙලෙස අදහස් පළ කර සිටියා.

“මේ කාලේ ජනාධිපතිවරණය ගැන තමා සාකච්ඡා කරන්නේ. අපි වෙලාවට ප්‍රකාශ කරන්නම්. අපේක්ෂකයා කවුද කියලා තාම අපි තීරණය කරලා නැහැ. දිනන්න පුළුවන් අපේක්ෂකයෙක් ඉදිරිපත් කරනවා. පොහොට්ටුවේ කෙනෙක් වෙන්න පුළුවන්.”

මාධ්‍යවේදීයා – රනිල් මහත්තයා නෙවෙයි ද.?

“මං දන්නේ නැහැ කොහොමද කියලා. මැතිවරණය තියනවා.

මාධ්‍යවේදීයා – 22 සංශෝධනය එක්ක මැතිවරණය කල් යයි ද.?

“ඒ ගැන කියන්න දන්නේ නැහැ. බලමු. කල් යන්න නොදී මැතිවරණය තියයි කියලා බලාපොරොත්තු වෙනවා.

මාධ්‍යවේදීයා – පොහොට්ටුවේ ජයග්‍රහණය මොන වගේ මට්ටමක ද තියෙන්නේ.?

“ඉහළම මට්ටමේ.”

මාධ්‍යවේදීයා – ඔබතුමාට විශ්වාසයි ද ජයග්‍රහණය කරයි කියලා

“අනිවාර්යයෙන් ම.”

මාධ්‍යවේදීයා – රනිල් වික්‍රමසිංහ මැතිතුමානේ අනිවාර්යයෙන් ම එන්නේ.?

“නැහැ. එක එක්කෙනාගේ නම් තියෙනවා. ධම්මික පෙරේරා, අර පෙරේරා කියලා හැම කෙනාගේම නම් තියෙනවා.”

මාධ්‍යවේදීයා – ඔබතුමාගේ හිතේ කවුද ඉන්නේ.?

“මගේ හිතේ තියෙන එක දැන්ම ම කියන්නේ නැහැ. වෙලාවට කියන්නම්.”

මාධ්‍යවේදීයා – නාමල් මහත්තයාට තව ටික දවසක් තියෙනවා ද.?

“ඒක නාමල්ගෙන් අහන්න කෝ. කල් තියෙනවා. එයාගෙන් අහන්න කෝ.. එයාගෙන් බලාපොරොත්තුවක් තියෙනවා ද කියලා දන්නේ නැහැ. එයාගෙන් අහන්න මගෙන් අහන්න එපා.