දිඹුලාගල අධ්‍යාපන කලාපයට අයත් සිරිපුර ප්‍රදේශයේ ප්‍රධාන පාසලක ගැබිණි ගුරුවරියකට එම විද්‍යාලයේ නියොජ්‍ය විදුහල්පතිවරයා ලිංගික අතවරයක් සිදුකර තිබෙනවා.
ඒ අනුව අතවරයට ලක් වූ 30 හැවිරිදි වින්දිත ගුරුවරිය විසින් සිරිපුර පොලිසියේ කරන ලද පැමිණිල්ලකට අනුව එම නියොජ්‍ය විදුහල්පතිවරයා ඊයේ (21) අත් අඩංගුවට ගත් බව සිරිපුර පොලිසිය පවසනවා.
අඩංගුවට පත් වූ නියෝජ්‍ය විදුහල්පතිවරයා 56 හැවිරිදි පුද්ගලයෙකි.
ගුරුවරිය මේ වන විට දෙහිඅත්තකණ්ඩිය රෝහලට ඇතුළත් කර තිබෙනවා.
පසුගිය18 වෙනිදා විද්‍යාලයේදී මෙම සිද්ධිය සිදු වී ඇති අතර, සිද්ධිය සම්බන්ධව විද්‍යාලයේ ආරක්ෂිත කැමරා විමර්ශකයින්ගේ පරීක්ෂාවට ලක් කර තිබෙනවා.සිද්ධිය පිළිබඳ පරීක්ෂණ කටයුතු කර සියලු වාර්තාවන් දෙහිඅත්තකන්ඩිය මහේස්ත්‍රාත් අධිකරණයට ඉදිරිපත් කිරීමට කටයුතු කර ඇති බවද පොලිසිය කියයි.
අත්අඩංගුවට ගත් නියෝජ්‍ය විදුහල්පතිවරයා අද (22) දෙහිඅත්තකන්ඩිය මහේස්ත්‍රාත් අධිකරණයට ඉදිරිපත් කිරීමට කටයුතු කර ඇති අතර මේ පිළිබඳ වැඩිදුර විමර්ශන සිදුකරනු ඇති බවයි පොලීසිය පවසන්නේ.