ඇමරිකාවේ දකුණු කැලිෆෝනියාවේ සිට උතුරු ඉඩාහෝ දක්වා නගර වලට ඉදිරි දින කිහිපයේදී අධික උෂ්ණත්වයක් බලපෑ හැකි බව අවවාදාත්මක නිවේදනයක් නිකුත් කර තිබෙනවා.
ඒ අනූව මිලියන 30ක ජනතාවකට අධික උෂ්ණත්වය හේතුවෙන් සෞඛ්‍ය අවධානමක් ඇතිවිය හැලි බවයි විදෙස් මාධ්‍ය වාර්තා කරන්නේ.
කැලිෆෝනියා, ඇරිසෝනා, නොවාඩා, ඉඩානෝ, ඔරිගන් සහ වොෂින්ටන් ආදී ප්‍රදේශ වල මේ වන විටත් සෙල්සියස් අංශක 43ක උෂ්ණත්වයක් පවතින බව සඳහන්.
මධ්‍යම ඔරිගන් සහ වොෂින්ටන් සමහර ප්‍රදේශ ද උණුසුම් හා වියළි කාලගුණික තත්ත්වයක් හේතුවෙන් ලැව්ගිනි ඇති වීමේ තර්ජනයට ලක්ව ඇති අතර ඔරිග්නන් නැගෙනහිර ප්‍රදේශයේ ලැව්ගිනි පැතිරීම හේතුවෙන් නිවාස වලින් ඉවත් වීමට ද බලධාරීන් දැනුම් දී තිබේ.