මිහින්තලේ රෝහලෙන් ලබාදුන් එන්නතක් හේතුවෙන් පාසල් සිසුන් එකොළොස් දෙනෙකුට සංකූලතා ඇති වී ඇති බවට වාරතා වනවා.
මිහින්තලය ප්‍රදේශයේ පදිංචි වයස අවුරුදු 6ත් 13ත් අතර වයස්වල පසුවන මෙම ළමුන් වැඩිදුර ප්‍රතිකාර සඳහා අනුරාධපුර ශික්ෂණ රෝහලට ඇතුළත් කර තිබෙනවා.
රෝහල් ප්‍රකාශකයකු සඳහන් කර ඇත්තේ, රෝගී තත්වයන් හේතුවෙන් ප්‍රතිකාර සඳහා මුලින් මිහින්තලය රෝහලට සිසුන් ඇතුළත් කළ නමුත් එහිදී එන්නතක් ලබාදීමෙන් පසු ඔවුන් රෝගාතුර වූ බවයි.
සිද්ධිය සම්බන්ධයෙන් උතුරුමැද පළාත් සෞඛ්‍ය අධ්‍යක්ෂවරයා පරීක්ෂණයක් ආරම්භ කර තිබෙනවා.