පෑලියගොඩ මධ්‍යම මත්ස්ය වෙළෙඳ සංකීර්ණයේ පාරිභෝජනයට නුසුදුසු මත්ස්ය අලෙවිය වැඩි වී ඇතැයි ධීවර අමාත්‍යංශය අනාවරණය කරගෙන තිබෙනවා.
පෑලියගොඩ මධ්‍යම මත්ස්ය වෙළෙඳ සංකීර්ණයේ කළමණාකාර භාර රැස්වීම පසුගිය මැයි මස 17 වැනිදා කැඳවා තිබූ අතර එහිදී නරක් වූ මත්ස්‍යයන් හා පාරිභෝජනයට නුසුදුසු මත්ස්‍යයන් අලෙවි කරන බව හෙළිවුණා.
මේ අනුව කළමණාකාර භාරයේ සභාපතිනී ධීවර අමාත්‍යංශයේ ලේකම්ව සිටි කුමාරි සෝමරත්න නාරා ආයතනයට හා මහජන සෞඛ්‍ය පරීක්ෂකවරුන්ගෙන් වාර්තා කැඳවීමට තීරණය කළා.
පෑලියගොඩ මධ්‍යම මත්ස්ය වෙළෙඳ සංකීර්ණයේ තොග අලෙවිසල් 154 ක් සහ සිල්ලර මත්ස්ය අලෙවිසල් 124 ක් තිබෙන බව පෑලියගොඩ මධ්‍යම මත්ස්ය තොග වෙළඳ සංගමයේ ලේකම් ජයන්ත කුරේ පවසනවා..
ඉවතලන නරක් වූ මත්ස්‍යන් එක් රැස් කර අලෙවි කරන පිරිසක් සිටින බවත් වෙළෙඳ සංගමයේ කළමනාකාරීත්වය ඒ සම්බන්ධයෙන් කිසිදු ක්‍රියාමාර්ගයක් ගෙන නොමැති බවත් ඔහු සඳහන් කළේ.
මේ සම්බන්ධයෙන් පුළුල් පරීක්ෂණයක් සිදුකර කඩිනමින් වාර්තා ඉදිරිපත් කරන ලෙසට නාරා ආයතනයටත් මහජන සෞඛ්‍ය පරීක්ෂකවරුන්ටත් ධීවර අමාත්‍යංශයේ ලේකම්ව සිටි කුමාරි සෝමරත්න උපදෙස් දී මාස දෙකකට ආසන්න කාලයක් ගතව ඇතත් මෙතෙක් එකදු වාර්තාවක් හෝ ලැබී නොමැති බව ආරංචිමාර්ග සඳහන් කරයි.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…