ජනාධිපති රනිල් වික්රමසිංහ මහතා විසින් අමාත්ය මණ්ඩලය වෙත ඉදිරිපත් කරන ලද යෝජනාවට අද (09) අනුමැතිය හිමි ව තිබෙනවා.
ඒ 2024 ජූලි 8 සහ 9 යන දෙදින සේවයට වාර්තා කළ විධායක සේවා ගණයන්ට අයත් නොවන රාජ්ය නිලධාරීන් සඳහා විශේෂ වැටුප් වර්ධකයක් ලබාදීමටත්, ඉදිරි උසස්වීම් සඳහා යොදාගත හැකිවන පරිදි විශේෂ ප්රශංසා සහතිකයක් නිකුත් කිරීමටත් ය.
මේ සම්බන්ධව සියලුම අමාත්යාංශ ලේකම්වරුන්, දෙපාර්තමේන්තු ප්රධානීන් හා පළාත් ප්රධාන ලේකම්වරුන් දැනුවත් කිරීමටත්, ඊට අදාළ වක්ර ලේඛ නිකුත් කිරීමටත් කටයුතු කරන ලෙස රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යාංශයේ ලේකම් වෙත උපදෙස් දී ඇත.
රාජ්ය සේවයේ විධායක සේවා ගණයට අයත් නොවන ඇතැම් සේවාවන්වල වෘත්තීය සමිති කිහිපයක් විසින් 2024 ජූලි මස 08 හා 09 දෙදින අසනීප නිවාඩු දැමීමේ හා වැඩ වර්ජනය කිරීමේ වෘත්තීය ක්රියාමාර්ග ප්රකාශයට පත් කරන ලදී.
කෙසේ වෙතත්, දැඩි අස්ථාවරත්වයකට මුහුණ පා තිබූ රට පසු ගිය දෙවසර තුළ රජය ක්රියාත්මක කරන ලද පුළුල් අර්ථික ප්රතිසංස්කරණ වැඩපිළිවෙළ මඟින් යම් ස්ථාවරත්වයකට පත් කිරීමට හැකියාව ලැබුණු අතර, ජනතාවට ලබා දුන් සහන වලට අමතරව සියලුම රාජ්ය සේවකයන්ට රුපියල් දස දහසක මාසික දීමනාවක් ලබා දීමට ද රජය කටයුතු කළේ ය.
ඊට අදාළ නිවේදනය පහතින්,
![](https://ceylonnewsfactory.lk/wp-content/uploads/2024/07/WhatsApp-Image-2024-07-09-at-5.40.59-PM-716x1024.jpeg)