මැලේසියාවේ ක්වාලාලාම්පූර් ජාත්‍යන්තර ගුවන්තොටුපලේ සිදුවූ රසායනික විෂ සහිත ගෑස් කාන්දුවක් හේතුවෙන් හුස්ම ගැනීමේ අපහසුතා, කැරකිල්ල, ඔක්කාරය සහ වමනය වැනි රෝග ලක්ෂණ ඇතිවී 39 දෙනෙකු රෝහල් ගත කරන ලදී.
ඉන් 3 දෙනෙකුගේ තත්වය බරපතල බවයි වාර්තා වන්නේ.
එම ගෑස් කාන්දුව ගුවන්තොටුපල තුල ස්ථාපනය කර ඇති ඉංජිනේරු පර්යන්තයක සිදුව ඇති අතර ඉන් ගුවන් ගමන් සඳහා බාධාවක් නොවී ඇති බවද සඳහන්. මින් ගුවන් යානා වලට ගොඩ වීමට පැමිණි මගීන් කිසිවෙකුටත් අනතුරක් සිදු වී නැති බව සඳහන් වෙයි.
සිද්ධිය සිදු වූ සැනින් ගිනි නිවන කණ්ඩායම් ගුවන් තිටුපලට පැමිණි අතර ඔවුන් ප්‍රකාශ කර ඇත්තේ රසායන විෂ කාන්දුවක් සිදු වී ඇති බවයි.