2024 T20 ලෝක කුසලාන ක්‍රිකට් තරගාවලියේ අවසන් මහා තරඟය ශ්‍රී ලංකා වේලාවෙන් අද රාත්‍රී 8ට (29) ආරම්භ වීමට නියමිතයි.
ඒ දකුණු අප්‍රිකාව සහ ඉන්දියාව අතරයි. මෙම තරගය බාබඩෝස් හි කෙල්සින්ටන් ඕවල් ක්‍රීඩාංගණයේදී පැවැත්වීමට කටයුතු සූදනම් කර ඇති අතර, අවසන් මහා තරගය පැවැත්වෙන අද දිනය පුරා කෙල්සින්ටන් ඕවල් ක්‍රීඩාංගණයට විටින් විට වර්ශාව පතිත වීමේ අවදානමක් පවතින බව අන්තර්ජාතික කාළගුණ වාර්තා දත්ත මගින් තහවුරු කොට තිබේ.
යම් හෙයකින් වර්ශාව නිසා අද දිනයේ තරගය පැවැත්වීමට නොහැකි වුවහොත්, අවසන් මහා තරගය සඳහා අතිරේක දිනයක් ලෙස හෙට (30) දිනය වෙන්කොට තිබෙන අතර, අවසන් මහා තරගය සුපුරුදු තත්වයන් යටතේම හෙට දිනයේ දී පැවැත්වීමට නියමිතයි.
පන්දු වාර විස්ස ලෝක කුසලාන තරගාවලියක අවසන් මහා තරගයක් සඳහා ඉන්දියාව මෙලෙස සුදුසුකම් ලබා ඇත්තේ වසර 10කට පසුව වීමද විශේෂත්වයක්.
ඒ පසුගිය වර ලෝක ශූරයින් වූ එංගලන්තය මෙවර පන්දුවාර 20 ලෝක කුසලානයෙන් ඉවත් කරමින්.
ඉන්දියාව පන්දුවාර 20 ලෝක කුසලානයක අවසන් මහා තරගයක් සඳහා සුදුසුකම් ලබා ගත් තුන්වැනි අවස්ථාව මෙය වන අතර ඔවුන් පන්දුවාර 20 ලෝක කුසලානයක අවසන් මහා තරගයට පිවිසියේ 2014 වසරේදීයි.
එම තරගයේදී ඉන්දියාව ශ්‍රී ලංකාව හමුවේ පරාජය වූවත්, 2007 වසරේ පැවති කුළුදුල් පන්දුවාර 20 ලෝක කුසලානය දිනා ගැනීමට ඉන්දියාව සමත් වුණා.
මේ අතර දකුණු අප්‍රිකාව පන්දු වාර විස්ස ලෝක කුසලානයක අවසන් මහා තරගයට සුදුසුකම් ලැබුවේ පළමු වරටයි. මීට පෙර අවස්ථා හතකදී අවසන් පූර්ව තරගයට ප්‍රවිශ්ඨ වූ ඔවුන් ඉන් පරාජයට පත්වුණා.
කණ්ඩායම් දෙකම මෙවර අවසන් මහා තරගයට පිවිසියේ අපරාජිත කණ්ඩායම් දෙකක් ලෙස වීමද විශේෂත්වයකි.