අධිකරණ කටයුතු අවසන් වූ මත්ද්‍රව්‍ය කිලෝ ග්‍රෑම් 1,208 කට අධික තොගයක් අද (29) විනාශ කිරීමට පියවර ගන්නා බව පොලිස් මූලස්ථානය පවසනවා.
වනාතවිල්ලුව ලැක්ටොස් වත්තේ පිහිටි අධිබල මත්ද්‍රව්‍ය දහනය කිරීමේ උඳුන භාවිතයෙන් මෙම විනාශ කිරීම් සිදුකරන බව එම මූලස්ථානයේ ප්‍රකාශකයෙකු සඳහන් කළේ.
මෙහිදී අයිස් මත්ද්‍රව්‍ය කිලෝ ග්‍රෑම් 614යි ග්‍රෑම් 36 ක්, හෙරොයින් කිලෝ ග්‍රෑම් 13යි ග්‍රෑම් 686 ක් සහ කෙටමින් මත්ද්‍රව්‍ය කිලෝ ග්‍රෑම් 581 ග්‍රෑම් 34 ක් විනාශ කිරීමට නියමිතයි
මෙම මත්ද්‍රව්‍ය තොගය අද උදෑසන මත්ද්‍රව්‍ය කාර්යංශයේ නිලධාරීන් විසින් කොළඹ මහ අධිකරණයේදී භාර ගෙන පෙරවරු 9.30 වනාතවිල්දුව ලැක්ටොස් වත්තේ පිහිට අධිබල මත්ද්‍රව්‍ය දහනය කිරීමේ උඳුන භාවිතයෙන් විනාශ කිරීමට නියමිතව තිබුණා.
පුත්තලම මහෙස්ත්‍රාත්, අන්තරායකර ඖෂධ පාලක මණ්ඩලයේ නියෝජිතයින්, රජයේ රස පරීක්ෂක සහ මත්ද්‍රව්‍ය නිවාරණ කාර්යංශයේ නිලධාරීන්ගේ අධික්ෂණය යටතේ එම කටයුතු සිදුකරන බව පොලිස් මූලස්ථානය සඳහන් කළේ.