කොදෙව් – ලංකා විස්සයි විස්ස තරඟාවලි ජය බටහිර ඉන්දීය කොදෙව් කාන්තා කණ්ඩායමට !

ශ්‍රී ලංකා කාන්තා කණ්ඩායම සමඟ පැවැති විස්සයි විස්ස ක්‍රිකට් තරගාවලිය ජය ගැනීමට බටහිර ඉන්දීය කොදෙව් කාන්තා කණ්ඩායම අද (28) සමත් වුණා.

ඒ, දෙරට අතර පැවැති තෙවන සහ අවසන් තරගය කඩුලු 06කින් ජයගනිමින්.

තරගයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 20 තුළ කඩුලු 07ක් දැවි රැස්කරගත් ලකුණු සංඛ්‍යාව 141ක්.

එහි දී චමරි අත්පත්තු ලකුණු 38ක්, හර්ෂිතා සමරවික්‍රම ලකුණු 28ක් සහ කවීෂා දිල්හාරි ලකුණු 26ක් ලබා ගත්තා.

පන්දු යැවීමේ දී ආලියාහ් අල්යෙන් සහ එෆි ෆ්ලෙචර් කඩුලු දෙක බැගින් බිඳ හෙළීමටයි සමත් වුණේ.

ජයග්‍රහණය සඳහා ලකුණු 142ක ඉලක්කයක් හඹා ගිය කොදෙව් කාන්තා කණ්ඩායම පන්දුවාර 19.5ක් තුළ කඩුලු 04ක් පමණක් දැවී තරගයේ ජය වාර්තා කළා.

එහි දී හේලි මැතිව්ස් ලකුණු 49ක් සහ ශමයින් කැම්බෙල් ලකුණු 41ක් රැස්කර ගැනීමටයි සමත් වුණේ.

පන්දු යැවීමේ දී කාව්‍යා කවින්දි කඩුලු දෙකක් බිඳහෙළුවා.