මළවුන්ටත් විශ්‍රාම වැටුප් දීලා – විශ්‍රාම වැටුප් වංචා රැසක් හෙළි වෙයි !

මියගිය විශ්‍රාමිකයන් හයදහසකට අධික පිරිසකට නීති විරෝධි ලෙස විශ්‍රාම වැටුප් ලබා දී ඇතැයි කෝපා කමිටුවේදි හෙලිව තිබෙනවා.

එක් පුද්ගලයෙකු වසර තුනකදි විසිහය ලක්ෂ අනූහය දහස් තුන්සිය හතරක මුදලක් එසේ ලබාගෙන ඇති බවත් එය එක් සිද්ධියක් පමණක් වන අතර එවැනි සිද්ධි ගණනාවක් කෝපා කමිටුවට වාර්තා වී ඇති බවත් එම කමිටුවේදි කරුණු අනාවරණය වී තිබෙනවා.

ගම්පහ දිස්ත්‍රික් ලේකම් කාර්යාලයේදී නිලධාරීන් පිරිසක් කෝපා කමිටුවට පසුගියදා කැඳවූ අවස්තාවේදී මෙම කරුණු පිලිබඳව විස්තර ඉදිරිපත්ව තිබෙනවා.

විශ්‍රාම වැටුම් බොහෝ ප්‍රමාණයක් වැඩිපුර ගෙවා ඇති බව නියෝජ්‍ය විගණකාධිපති එම්.එස් නයනකුමාර මෙම කමිටුවේදි පවසා තිබෙනවා.

ප්‍රදේශීය ලේකම් කාර්යාල සහ විශ්‍රාම වැටුප් දෙපාර්තමේන්තුවේ වැරදි සහගත ක්‍රියා හේතුවෙන් මෙම අක්‍රමිකතාව සිදුව ඇතැයිද මෙලෙස විශ්‍රාම වැටුප් වැඩිපුර ගෙවීම් බොහෝ සිදුව ඇත්තේ ත්‍රිවිධ හමුදා සාමජිකයන්ගේ බවද කෝපා කමිටුවේදි අනාවරණය වී තිබෙනවා.

මියගිය අය සහ දුබලතාවට පත්වී ඇති පුද්ගලයන්ගේ ජිවන වියදම්ද වැඩිදුර ගෙවා ඇති බවත් මෙම කමිටුවේදි හෙලිව ඇති අතර මෙලෙස නීති විරෝධී විශ්‍රාම වැටුප් ලබාගැනීම් 6400ක් පමණ වාර්තා වී ඇති බවත් මෙම කමිටුවේදි හෙලිව තිබෙනවා.