තමන් නීතිපති ධූරයෙන් විශ්‍රාම යන බව නීතිපති සංජය රාජරත්නම් මහතා නිවේදනය කොට තිබේ.
ඔහුගේ සේවා කාලය මාස හයකින් දීර්ඝ කිරීමට ජනාධිපතිවරයා කළ නිර්දේශය අවස්ථා දෙකකදී ආණ්ඩුක්‍රම ව්‍යවස්ථා සභාව විසින් අනුමත කර නොතිබිණ.
සංජය රාජරත්නම් මහතාගේ සේවා කාලය දීර්ඝ කිරීමට ජනාධිපතිවරයා කළ නිර්දේශය වැඩි ඡන්දයෙන් ප්‍රතික්ෂේප කිරීමත් සමඟ ඒ සම්බන්ධයෙන් යළි සලකා බැලීම සඳහා ආණ්ඩුක්‍රම ව්‍යවස්ථා සභාව ඊයේ පස්වරුවේ යළි රැස්විය.
කථානායක නිල නිවසේ දී පස්වරු 6 ට පමණ ආරම්භ වූ රැස්වීම පැය දෙකක පමණ කාලයක් පැවැත්විණි.
ආණ්ඩුක්‍රම ව්‍යවස්ථා සභාවේ සාමාජිකයෙකු ප්‍රකාශ කළේ වයස අවුරුදු 60 සම්පූර්ණ වූ පසු නීතිපතිවරයාගේ සේවා දිගුවක් අනුමත කිරීමට සභාවට බලයක් නොමැති බවට තීරණය කළ බවයි.
ඒ අනුව ආණ්ඩුක්‍රම ව්‍යවස්ථා සභාවේ තීරණය ඊයේ රාත්‍රියේ ජනාධිපතිවරයා වෙත ලිපියක් මගින් දැනුම් දී තිබේ. –