ආරුගම්බේ සංචාරක ප්‍රදේශයේ සංචාරකයින් මුහුණදෙන ගැටළු සම්බන්ධයෙන් විශේෂ සාකච්ඡාවක් සංචාරක හා ඉඩම් අමාත්‍ය හරීන් ප්‍රනාන්දු මහතාගේ ප්‍රධානත්වයෙන් පොතුවිල් ප්‍රාදේශීය කාර්යාලයේදී පසුගිය 25 වන දින පැවැත්වුණි.
මෙම සාකච්ඡාවේදී ආරුගම්බේ ප්‍රදේශයේ සංචාරක ක්ෂේත්‍රයට අදාළ කරුණු රැසක් සාක්ච්ඡා කරන ලදී.
ඒ අනුව විදේශීය සංචාරකයින් ශ්‍රී ලංකාව තුළ අනවසරයෙන් රැඳී සිටීම, ධීවර වරාය වෙනත් ස්ථානයකට විතැන් කිරීමේ ගැටලුව, රජයේ ඉඩම්වල අනවසර පදිංචිය සහ ඉදිකිරීම්, බලපත්‍ර රහිත සුරාසැල් පවත්වාගෙන යාම මෙන් ම ජනතාව දැඩි අපහසුතාවයට පත්වන පරිදි අධික ශබ්ධය සහිත සංදර්ශන සහ උත්සව පැවැත්වීම යන ගැටලු සම්බන්ධයෙන් මෙහිදී සාකච්ඡාවන් සිදුකරනු ලැබී ය.
තව ද අම්පාර දිස්ත්‍රික්කයේ හෝටල් කර්මාන්ත ක්ෂේත්‍රයේ යෙදී සිටින පිරිස් හමු වී ඔවුන්ගේ ගැටලු පිළිබඳව ද මෙහිදී අමාත්‍යවරයා සාකච්ඡා කරනු ලැබූ අතර ඔවුන්ගේ වෘත්තීය මට්ටම ඉහළ නැංවීමට සහ ඔවුන්ට අවශ්‍ය පහසුකම් ලබාදීම සම්බන්ධව ද එහිදී අවදානය යොමු කරන ලදී. ඊට අමතරව ප්‍රදේශයේ සංචාරක කර්මාන්තය වර්ධනය කිරීම සම්බන්ධව ද දීර්ඝ වශයෙන් සාකච්ඡා කරනු ලැබී ය.