දියගම මහින්ද රාජපක්ෂ ක්‍රීඩාංගනයේදී පැවැත්වෙන 102 වැනි ජාතික ශූරතා මලල ක්‍රීඩා තරඟාවලියේ පිරිමි මීටර 100 ඉසව්වේ මූලික වටයේ තරඟ අද පස්වරුවේදී ක්‍රියාත්මක විය.
එහිදී වසර 5කට පසු යුපුන් අබේකෝන් මෙරටදී තරඟ බිමට පිවිසෙමින් මීටර් 100 ඉසව්වේ මූලික වටයේ 3 වැනි තරඟයකට සහභාගී විය.
යුපුන් තරඟවදින අවස්ථාව දැකබලා ගැනීමට ක්‍රීඩා ලෝලීන් රැසක් ක්‍රීඩා පිටියට රැස් වී සිටියහ. නමුත් තරඟය ආරම්භ වී සුළු මොහොතකින් යුපුන්ගේ පාදයේ ඇති වූ ආබාධයක් හේතුවෙන් ඔහුට තරඟයෙන් ඉවත් වීමට සිදු වීම කාගේත් කතාබහට ලක් විය.