පාර්ලිමේන්තුව ලබන 02 වැනිදා හදිසියේ කැඳවීමට කතානායකවරයා තීරණය කර තිබෙනවා.
අග්‍රාමාත්‍ය දිනේෂ් ගුණවර්ධන පාර්ලිමේන්තුවේ ස්ථාවර නියෝගවල 16 වන ස්ථාවර නියෝගය ප්‍රකාරව කළ ඉල්ලීමක් අනුව මෙලෙස පාර්ලිමේන්තුව කැඳවන බවයි පැවසෙන්නේ.
ජනාධිපතිවරයාට ප්‍රකාශයක් කිරීම සඳහා පාර්ලිමේන්තුව මෙසේ කැඳවන බවයි වාර්තා වෙන්නේ.
ජනාධිපතිවරයාගේ එදින ප්‍රකාශයත් සමග රටේ ආර්ථික තත්ත්වය, බංකොලොත්භාවය යනාදි කාරණා සම්බන්ධව ප්‍රකාශයක් කිරීමට නියමිත බවත් සඳහන්.
කෙසේ නමුත් පාර්ලිමේන්තුව සාමාන්‍ය පරිදි රැස්වීමට නියමිතව තිබුණේ ලබන 9 වැනිදා වන අතර පාර්ලිමේන්තුව ලබන 2 දා රැස්වීමට තීරණය කල බව සියළු පාර්ලිමේන්තු මන්ත්‍රීවරුන්ට දැනුම්දීමට මේ වනවිට කටයුතු කරමින් සිටින බවයි පැවසෙන්නේ.