2023 වසරට අදාළ අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල දින 10කින් නිකුත් වනු ඇති බවට පළ වූ මාධ්‍ය වාර්තා අසත්‍ය බව විභාග දෙපාර්තමේන්තුව පවසනවා.
නියෝජ්‍ය විභාග කොමසාරිස්වරයා සඳහන් කළේ, එලෙස නිකුත් කිරීමට නියමිතව ඇත්තේ, සාමාන්‍ය තොරතුරු තාක්ෂණ (GIT) විභාගයේ ප්‍රතිඵල බවයි.
ඒ අනුව එය සාමාන්‍ය පෙළ විභාගය නොව සාමාන්‍ය තොරතුරු තාක්ෂණ විභාගය ලෙස වෙනස් විය යුතු බව වැඩිදුරටත් සඳහන්.
2023 වසරට අදාළ සාමාන්‍ය පෙළ විභාගය පසුගිය මැයි මස 06 වැනිදා සිට 15 වනදා දක්වා පැවැත්වුණා.
එය මධ්‍යස්ථාන 3,527ක පැවැති බවයි, විභාග දෙපාර්තමේන්තුව සඳහන් කළේ. ඒ සඳහා මෙවර පෙනී සිටි අපේක්ෂකයින් සංඛ්‍යාව 452,979ක්.
එම පිරිස අතර පාසල් අයදුම්කරුවන් 387,648ක් සිටි බව විභාග දෙපාර්තමේන්තුව සඳහන් කළා.
විභාගයට පෞද්ගලික අයදුම්කරුවන් 65,331 දෙනෙකු ඉදිරිපත් වූ බව වැඩිදුරටත් සඳහන්.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…