නව හැවිරිදි පාසල් දැරියකට අමානුෂික ලෙස පහරදීමේ සිද්ධියකට එම දැරියගේ සුළු පියා අත්අඩංගුවට ගත් බව මීගොඩ පොලිසිය පවසයි.
පහර කෑමට ලක් වූ දැරිය හෝමාගම මූලික රෝහලට ඇතුළත් කර තිබේ.
අදාළ දැරිය පාසල නිමවී නිවසට පැමිණෙන අතරවාරයේ සුළු පියාගේ විරුද්ධවාදියෙකු සමග කතාබහ කර ඒ බව ඔහුට නොපවැසීම නිසාවෙන් මෙම පහරදීම සිදුකර ඇතැයි අනාවරණය වූ බව පොලිසිය පවසයි.
සුළු පියා විසින් දැරියට දරුණු ලෙස පහර දෙන ආකාරය අසල්වාසීන් දැක තිබු අතර, පසුව ඔවුන් එම පුද්ගලයාට පහර දී දැරිය බේරාගෙන තිබේ.
ඒ සම්බන්ධයෙන් පොලිසියට ලැබුණු පැමිණිල්ලක් මත පහරදීම සිදුකළ සැකකරු අත්අඩංගුවට ගෙන තිබේ.
එම පුද්ගලයා යුද හමුදා කෝප්‍රල්වරයෙකු බවට තොරතුරු අනාවරණය වී ඇත.