T-20 ලෝක කුසලානයේ, ඉන්දු පාකිස්ථාන තරඟයට පෙර දුන් සංඥාව සමාජ මාධ්‍ය කලඹයි (VIDEO)

T-20 2024 ලෝක කුසලානයේ ඉතා තියුණු තරගයක් වනු ඇතැයි සියල්ලෝ අනුමාන කළ ඉන්දු – පාකිස්ථාන තරඟයේ ජය වාර්තා කිරීමට ඉන්දියාව අද (10) සමත් වුණා.

තරගාවලියේ 19වැනි තරගය ලෙසින් ශ්‍රී ලංකා වේලාවෙන් ඊයේ පස්වරු 08.00ට Nassau County International Cricket Stadium, New York හිදී ආරම්භ වූ තරගයේ කාසියේ වාසිය දිනාගත් පාකිස්ථානය පළමුවෙන් පන්දුවට පහරදීමට ඉන්දියාවට ආරාධනා කළා.

ඒ අනුව පන්දුවට පහරදීමට පිටියට පිවිසි ඉන්දීය කණ්ඩායමට පළමු පන්දුවාරය අවසන් වී ලකුණු 08ක් ලබා සිටියදී පිටියට ඇද හැලුණු වර්ෂාව හේතුවෙන් තරගය තාවකාලිකව නැවැත්වීමට සිදුවුණා.

කෙසේ වෙතත් මෙම තීරණාත්මක තරග‍ය ආරම්භ වීමට පෙර එක් සුවිශේෂී සිදුවීමක් පිළිබඳව සමාජ මාධ්‍යයේ බොහෝ දෙනාගේ අවධානය යොමුව පවතිනවා.

ඒ එම ඉහළ අහසේ ඉම්‍රාන් ඛාන් නිදහස් කරන්න ලෙස සටහන් කළ බැනරයක් සහිත ගුවන් යානයක් නසාවු ප්‍රාන්තයට ඉහළින් පියාසර කිරීමයි.

මෙය හිටපු අගමැති ඉම්‍රාන් ඛාන්ගේ අධාරකරුවන්ගේ ක්‍රියාවක් විය හැකි බවට විදෙස් මාධ්‍ය වාර්තාකර සිටින අතර ඔවුන්ගේ අනන්‍යතාවය තවමත් තහවුරු කරගෙන නැහැ.