වාද්දුව වෙරළේ මළ සිරුරක් – මරණකරුගේ ටී ෂර්ටයෙන් ම මුහුණ ගැට ගසා ඝාතනය කළ බවට සැකයක් !

වාද්දුව – පොහද්දරමුල්ල වෙරළේ තිබී මළසිරුරක් හමුව තිබෙනවා.

මරණකරු ඇඳ සිටි ටී ෂර්ට් එකෙන් මුහුණ ගැටගසා ඔහු ඝාතනය කර ඇති බවටයි සැක පළකෙරෙන්නේ.

නිල් පැහැති ඩෙනිම් කලිසමකින් සහ සුදු මේස් බැමියමක් ඇඳ සිටින මරණකරුගේ අනන්‍යතාවය මෙතෙක් තහවුරු කරගෙන නොමැති බවයි පොලීසිය සඳහන් කළේ.

ඔහුගේ වයස අවුරුදු 40 – 45ක් බවට අනුමාන කෙරෙනවා.

පානදුර කොට්ඨාස අපරාධ ස්ථාන පරීක්ෂණාගාර නිලධාරීන් අදාළ මළ සිරුර හමුවූ ස්ථානයට පැමිණීමට නියමිතව තිබෙනවා.

සිද්ධිය සම්බන්ධයෙන් වාද්දුව ස්ථානාධිපති (වැඩ බලන) පොලිස් පරීක්ෂක ගයාන් කහටපිටිය මහතාගේ ප්‍රධානත්වයෙන් පරීක්ෂණ ක්‍රියාත්මකයි.