සිව් හැවිරිදි දැරියකට අමානුෂික ලෙස පහරදී අත්අඩංගුවට ගෙන බන්ධනාගාර ගත කළ කුකුළ් චමින්ද අනුරාධපුර ශික්ෂණ රෝහලට ඇතුළත් කර තිබෙනවා.
ඒ අධිකරණ වෛද්‍ය නිලධාරියාගේ නිර්දේශය මතයි.
කෙසේවෙතත් බන්ධනාගාර පරිශ්‍රය තුළදී සැකකරුට පහරදීමක් සිදුවී නැති බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් ජනරාල් ගාමිණි බී. දිසානායක මහතා සඳහන් කළා.
වැලිඔය ප්‍රදේශයේ සිව් හැවිරිදි දැරියකට අමානුෂික ලෙස පහරදුන් සැකකරු පසුගියදා පුල්මුඩේ, අරිසිමලේ ප්‍රදේශයේ සැඟව සිටියදී අත්අඩංගුවට ගැනුණා.
අධිකරණයට ඉදිරිපත් කිරීමෙන් අනතුරුව M.K චමින්ද නොහොත් කුකුළ් චමින්ද ලබන 19 වනදා දක්වා රිමාන්ඩ් ගත කළා.
ඒ අනුව සැකකරු අනුරාධපුර බන්ධනාගාරයට පසුගිය 05 වනදා යොමුකෙරුණු අතර ජුනි 06 වනදා අධිකරණ වෛද්‍ය නිලධාරී වෙත යොමුකර තිබුණා.
එහිදී අධිකරණ වෛද්‍ය නිලධාරියා පවසා තිබුණේ, සැකකරු ප්‍රතිකාර සඳහා රෝහල්ගත කරන ලෙසයි.
පසුව අධිකරණ වෛද්‍ය නිලධාරියාගේ නිර්දේශ මත සැකකාර කුකුළ් චමින්ද අනුරාධපුර ශික්ෂණ රෝහලට ඇතුළත් කර තිබෙනවා.