ශ්‍රී ලංකා ගුවන් විදුලි සංස්ථාවේ, විදුල ළමා වැඩසටහන් නිෂ්පාදකවරයකු ලෙස කටයුතු කළ ඉඳුනිල් ජයවර්ධන මහතාගේ දේහය මෝදර වෙරළ ප්‍රදේශයේ තිබී අද හමුවී තිබේ.
පොලීසිය පවසන්නේ මෝදර ලෙල්ලමේදී ඔහුගේ සිරුර හමුවී ඇති බවයි.
ඔහු පදිංචිව සිට ඇත්තේ පිළියන්දල ප්‍රදේශයේ ය.
දින දෙකක් තිස්සේ ඔහු නිවසින් අතුරුදන් වී සිට ඇත.
ඒ බව නිවැසියන් පොලිසියට පැමිණිලි කර තිබී ඇති බව පොලීසිය පවසයි.
ඔහුගේ මියයාම සිදුවූ ආකාරය සහ ඊට හේතු සොයා පොලිසීය විශේෂ විමර්ශනයක් ආරම්භ කර තිබේ.
ශ්‍රී ලංකා රූපවාහිනී අභ්‍යාස ආයතනයේ බාහිර කථිකාචාර්යවරයකු ලෙස ද කටයුතු කරමින් සිටි ඔහු මීට පෙර ලක්බිම පුවත්පත, ස්වර්ණවාහිනී යන මාධ්‍ය ආයතනවලද සේවය කර ඇත.