වැලිඔය හංසවිල ප්රදේශයේ දරුවකුට අමානුෂික ආකාරයෙන් පහර දෙන වීඩියෝවක් සමාජ මාධ්ය පුරා වේගයෙන් සංසරණය වනු දක්නට ලැබීය. ඒත් සමග පොලිසිය එම පුද්ගලයා සොයා පරීක්ෂණ ආරම්භ කොට ඇති අතර එම සිද්ධියට සම්බන්ධ පිරිස නිවෙස හැරදා පලා ගොස් ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව පවසයි.
පියකු විසින් තම කුඩා දරුවාට බත් කවමින් අමානුෂික ආකාරයෙන් පහර දෙන වීඩියෝව සමාජ මාධ්යට එක් වීමෙන් පසු වැලිඔය පොලිස් ස්ථානාධිපතිවරයා මේ සම්බන්ධයෙන් විමර්ශනයන් ආරම්භ කොට ඇත. ස්ථානාධිපතිවරයා එම නිවසට යන විටත් නිවැසියන් පළා ගොස් සිටි බව නියෝජ්ය පොලිස්පතිවරයා වැඩිදුරටත් කියා සිටියේය.
වැලිඔය, හංසවිල, 2 වන පියවර කළ්යාණිපුර ගම්මානයේ නිවසක මෙම සිදුවීම සිදුව තිබෙන අතර අදාළ පහර කෑමට ලක්වන දරුවාගේ පියා දැඩිලෙස මත්ද්රව්යවලට ඇබ්බැහී වූවකු බවට පොලීසිය හඳුනාගෙන ඇත. කුකුල් චමින්ද නොහොත් බිබිලේ චමින්ද නමින් ප්රදේශයේ ප්රසිද්ධියට පත්ව ඇති මෙම පුද්ගලයා මීට පෙර අවස්ථා කිහිපයකදීම මෙම දරුවාට අමානුෂිකව පහරදී ඇති අතර ඔහුට ඇති බිය නිසා කිසිවෙකු පොලීසියට මේ පිළිබඳව දැනුම් දී නොමැති බවද අසල්වාසීන් පොලීසියට දැනුම් දී ඇත.
අදාළ දරුවාගේ පියා අත්අඩංගුවට ගැනීමට වැලිඔය පොලිසයේ නිලධාරීන් කණ්ඩායමක් යොදවා ඇති බවත් පොලිස් මාධ්ය ප්රකාශකවරයා තවදුරටත් පවසයි. කෙසේ නමුත් සැකකරු සොයා මේ වන විට පුළුල් පරීක්ෂණයක් අරඹා ඇති අතර ඔහු සම්බන්ධයෙන් කිසියම් තොරතුරක් ඇත්නම් ළඟම ඇති පොලීසියට හෝ සම්පත්නුවර පොලීසියට දැනුම් දෙන ලෙසටද පොලීසිය වැඩිදුරටත් දැනුම් දෙයි.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…