මන්ත්‍රී නලින් බණ්ඩාරගේ වාහනයේ යතුරු පැදියක් ගැටෙයි – යතුරුපැදිකරු රෝහලේ !

සමගි ජනබලවේගයේ පාර්ලිමේන්තු මන්ත්‍රි නලින් බණ්ඩාර මහතා ගමන් කළ ජීප් රථය අද (3) අලුයම කොළඹ – නුවර ප්‍රධාන මාර්ගයේදී අනතුරකට ලක්ව තිබෙන බව වාර්තා වනවා.

මන්ත්‍රීවරයා රැගත් ජීප් රථය මහනුවර දෙස සිට කොළඹ දෙසට ගමන් කරන විට කෝන්ගස්දෙනිය හංදිය අසලදී එම රථය මාර්ගයේ ගමන් ගත් යතුරු පැදියක ගැටීමෙන් මෙම අනතුර සිදුව තිබෙනවා.

නිට්ටඹුව පොලිසිය පවසන්නේ යතුරුපැදිකරු තුවාල ලබා ඇති බවයි.

මෙම අනතුරින් මන්ත්‍රිවරයාට හෝ එහි ගමන් ගත් කිසිවෙකුට තුවාල සිදුව නොමැති අතර යතුරු පැදිකරු පමණක් තුවාල ලබා ප්‍රතිකාර සඳහා වතුපිටිවල මූලික රෝහලට ඇතුළත් කර තිබෙනවා.

සිද්ධිය සම්බන්ධ වැඩිදුර පරීක්ෂණ නිට්ටඹුව විසින් සිදුකරන බවයි වාර්තා වන්නේ.