ඉදිරි ජනාධිපතිවරණය සඳහා රනිල් වික්‍රමසිංහ මහතා ඉදිරිපත් නොවන බව ධීවර අමාත්‍ය ඩග්ලස් දේවනන්ද මහතා පවසනවා.
ඔහු මේ බව ප්‍රකාශ කළේ, කිලිනොච්චි ප්‍රදේශයේ දී මාධ්‍ය වෙත අදහස් පළ කරමින්.
කෙසේ වෙතත් ජනාධිපතිවරයා මැතිවරණය පවත්න බවට ප්‍රකාශ කර ඇති බව ද අමාත්‍යවරයා කියා සිටියා.
කෙසේ වෙතත් තමන් මේ දක්වා තරග කරන බවට ප්‍රකාශ කර නොමැති බව ද ඔහු අවධාරණය කළා.
පළාත් සභා සහ පළාත් පාලනය ආයතන මැතිවරණ පැවැත්වීම සම්බන්ධයෙන් එහි දී මාධ්‍යවේදීන් ප්‍රශ්න කළා.
ඊට පිළිතුරු ලබා දෙමින්, ඩග්ලස් දේවනන්ද මහතා කියා සිටියේ, ජනාධිපතිවරණයෙන් අනතුරුව සෙසු මැතිවරණ පැවැත්වෙනු ඇති බවයි.
ඒ අනුව පාර්ලිමේන්තු මැතිවරණ, පළාත් සභා මැතිවරණය සහ පළාත් පාලන ආයතන මැතිවරණ පිළිවෙලින් පැවැත්වෙනු ඇති.