ගම්පහ, යක්කල ප්රදේශයේ උපකාරක පන්තියකට සහභාගිවිමට ගොස් සිටියදී දින තුනක් තිස්සේ අතුරුදන්ව සිටි 14 හැවිරිදි සිසුවියන් තිදෙනා ගාල්ල බස් නැවතුම්පොළේ සිටියදී පෙරේදා (30) රාත්රියේ සොයාගත් බව ගාල්ල පොලිසිය පවසයි.
ගාල්ල බස් නැවතුම්පොළේ බාල වයස්කාර දැරියන් තිදෙනකු සැරිසරමින් සිටින අයුරු දුටු කාන්තාවක් ඒ ගැන ඇතිවූ සැකයක් මත මේ බව ගාල්ල මූලස්ථාන පොලිසියට දැනුම්දී ඇත.
කාන්තා නිලධාරිනියෝ ඇතුළු පොලිස් කණ්ඩායමක් බස් නැවතුම්පොළට ගොස් එම දැරයන් තිදෙනා පොලිස් භාරයට ගෙන ගාල්ල මූලස්ථාන පොලිසිය වෙත රැගෙන විත් තිබේ.
උපකාරක පන්තියකට පසුගිය 29 වැනිදා ගිය පසු අතුරුදන් වී ඇති බවට මෙම දැරියන් තිදෙනාගේ මවුවරුන් වීරගුල සහ යක්කල පොලිසිවලට පැමිණිලි කර තිබිණි.
ඒ අනුව දැරියන් තිදෙනාගේ අතුරුදන්වීම සම්බන්ධයෙන් එම පොලිස් ස්ථාන දිවයින පුරා පිහිටි සියලුම පොලිස් ස්ථාන වලට පොලිස් පණිවිඩයක් මගින් දැනුම්දී තිබිණි.
වීරගුල පොලිසියේ අපරාධ විමර්ශන අංශයේ ස්ථානාධිපතිවරයා ඇතුළු පොලිස් කණ්ඩායමක් එම දැරියන් තිදෙනාගේ මවුපියන් සමඟ ගාල්ල මූලස්ථාන පොලිසියට ඊයේ (31) ගොස් දැරියන් තිදෙනා වැඩිදුර පරික්ෂණ සඳහා වීරගුල පොලිසියට රැගෙන එනු ලැබූ බව පොලිසිය පවසයි.
මෙම දැරියන් තිදෙනා ගම්පහට පැමිණ බස් රථයක නැගී කොළඹ කොටුවට ගොස් බස් රථයකින් ගාල්ලට පැමිණ ඇත.
ගාල්ලේ සිට බස් රථයකින් මාතරට ගොස් මාතර සිට පොළොන්නරුවට ගොස් තිබේ.
පොළොන්නරුවේ සිට බස් රථයකින් නැවතත් කොළඹ කොටුවට පැමිණ කොළඹ කොටුව දුම්රිය ස්ථානයෙන් දුම්රියක නැගී ගාල්ලට ගොස් ඇත.
දැරියන් තිදෙනා පොලිසියට කොටුවූයේ දෙවැනි වරට ගාල්ලට ගිය අවස්ථාවේදීය.
දැරියන් තිදෙනාගෙන් ප්රශ්න කිරීමේදී මේ බව හෙළිකළේ යැයි එම උසස් පොලිසිය පවසා ඇත.
මෙවැනි ගමනක් යෑමට හේතු දැරියන්ගෙන් පොලිසිය විමසූ අවස්ථාවේ “ටුවර් එකක් යන්න හිතුණා පස්සේ අපි තුන්දෙනා මේ ගමන ගියා’” යැයි පවසා ඇතැයි කියති.
“මේ දවස් තුනේ අපි කොහාටවත් නිදාගන්න කියලා ගියේ නැහැ. බස් එකේ යන අතර වාරයේ නිදාගත්තා. කඩ වලින් කෑවා බිව්වා. අපි ළඟ සල්ලි තිබුණා. අම්මලා ටියුෂන් යන්න දුන්නු සල්ලිවලින් තමා මේ ගමනට වියදම් කළේ” යැයිද සිසුවියන් තිදෙනා පොලිසියට පවසා ඇතැයි දැන ගැනීමට තිබේ.
මෙම බාලවයස්කාර දැරියන් තිදෙනා අධිකරණ වෛද්ය විශේෂඥයකු වෙත ඉදිරිපත් කර වෛද්ය වාර්තාවක් ලබාගැනීමට ද ඔවුන් අධිකරණය හමුවට ඉදිරිපත් කිරීමටද පොලිසිය කටයුතු යොදාගෙන යයි.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…