මැයි 31 දිනට යෙදී ඇති ලෝක දුම්කොළ විරෝධී දිනයේ දී අවධානය යොමු කර ඇත්තේ ‘දුම්කොළ කර්මාන්තයේ මැදිහත්වීම් වලින් අපේ දරුවන් ආරක්ෂා කර ගනිමු’ යන්නයි. මෑතකදී සිදුකළ සමීක්ෂණ දත්ත මගින් ශ්‍රී ලංකාවේ දුම්පානය සැලකිය යුතු ලෙස අඩු වී ඇති බව මධ්‍යසාර හා මත්ද්‍රව්‍ය තොරතුරු මධ්‍යස්ථානය පෙන්වා දෙයි. සමස්තයක් ලෙස දුම්වැටි භාවිතයේ 9.1% ක අඩුවීමක් සහ විශේෂයින් තරුණයින් අතර දුම්පානය ශීඝ්‍ර අඩුවීමක් දක්නට ඇති බවයි.
මෙම ධනාත්මක ප්‍රවණතාවය තිබියදීත්, ශ්‍රී ලාංකිකයින් මිලියන 1.5 ක් පමණ තවමත් දුම්වැටි භාවිතා කරන බව මධ්‍යසාර හා මත්ද්‍රව්‍ය තොරතුරු මධ්‍යස්ථානය අවධාරණය කරයි. දුම්පානය ආශ්‍රිත ගැටළු හේතුවෙන් දිනකට පනස් දෙනෙකුට ආසන්න පිරිසක් රටේ මිය යන බව අතර මීට අමතරව, මෑත සමීක්ෂණයකින් හෙළි වූයේ පාසල් සිසුන්ගෙන් සියයට 5.7 ක් දුම් පානය කරන බවයි.
පසුගිය වසර තුළ දුම්කොළ සමාගම් විසින් වාර්තා කරන ලද සිගරට් නිෂ්පාදනයේ 19% ක අඩු වීමක් ද දක්නට ලැබී ඇත.
තවද ශ්‍රී ලංකාව තුළ සිගරට් භාවිතය අඩුවීමේ දිරිගන්වනසුලු ලක්ෂණ පවතින අතරම, විශේෂයෙන්ම දුම්කොළ කර්මාන්තයේ උපක්‍රමවලින් තරුණයින් ආරක්ෂා කිරීම සම්බන්ධයෙන් සැලකිය යුතු අභියෝග පවතී.