ශ්‍රී ලංකා පාපැදි සම්මේලනය, ශ්‍රී ලංකා රග්බි සංගමය, ශ්‍රී ලංකා මෝටර් රථ සම්මේලනය සහ ශ්‍රී ලංකා දැල්පන්දු සම්මේලනය යන ක්‍රීඩා සංගම් හතරක ලියාපදිංචිය තාවකාලිකව අත්හිටුවමින් ක්‍රීඩා හා යෞවන කටයුතු අමාත්‍ය හරීන් ප්‍රනාන්දු මහතා ඊයේ අතිවිශේෂ ගැසට් නිවේදනයක් නිකුත් කර තිබෙනවා.
අමාත්‍යවරයාගේ අත්සනින් යුතුව නිකුත් කළ මෙම නිවේදනයට අනුව අදාළ ක්‍රීඩා සංගම්වල නිලවරණයන් පැවැත්වීමේ බලය ඊයේ සිට බලපැවැත්වෙන පරිදි ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් මහාචාර්ය, රියඅද්මිරාල් ෂේමාල් ප්‍රනාන්දුට පවර තිබෙනවා.
මෙම ගැසට් පත්‍රය නිකුත් කර ඇත්තේ ඉහත ක්‍රීඩා සංගම් සහ සම්මේලනවලට අදාල නිලවරණය නිසි පරිදි පැවැත්වීම සඳහා පමණක් බවත්, අමාත්‍යවරයාගේ සහ රජයේ ප්‍රතිපත්තියක් වන කිසිඳු ක්‍රීඩා සංගමයකට හෝ සම්මේලනයක් වෙත අතුරු පාලක කමිටු නොදැමිය යුතුය යන ප්‍රතිපත්තිය දිගටම පවත්වාගෙන යා යුතු වන බවත් අමාත්‍ය හරීන් ප්‍රනාන්දු මහතා විශේෂයෙන් අවධාරණය කර සිටිනවා.
