අනිද්දා සිට වීසා නැතිව තායිලන්තයට යන්න අවස්ථාවක් !

ශ්‍රී ලංකාව ඇතුළු අනෙකුත් රටවලින් වැඩි සංචාරකයින් ආකර්ෂණය කර ගැනීම සඳහා වීසා ප්‍රවර්ධනයන් මාලාවක් තායිලන්ත කැබිනට් මණ්ඩලය විසින් අනුමත කරන ලද බව විදේශ කටයුතු අමාත්‍ය . අලි සබ්රි පැවසීය.
මෙම ක්‍රියාමාර්ගවලට වීසා රහිත සහ ඔන් -ඇරයිවල් වීසා යෝජනා ක්‍රම, සිසුන් සඳහා වැඩි කාලයක් රැඳී සිටීමට අවස්ථාව සැලසීම සහ විශ්‍රාමිකයින් සඳහා අනිවාර්ය සෞඛ්‍ය රක්ෂණය අඩු කිරීම ඇතුළත් බව ඔහු හෙළි කළේය.

විදේශ ඇමතිවරයා පෙන්වා දෙන්නේ ඇල්බේනියාව, කාම්බෝජය, චීනය, ඉන්දියාව, ජැමෙයිකාව, කසකස්තානය, ලාඕසය, මෙක්සිකෝව, මොරොක්කෝව, පැනමාව, රුමේනියාව, ශ්‍රී ලංකාව සහ උස්බෙකිස්තානය ඇතුළු තවත් රටවල් 36 ක සංචාරකයින්ට දින 60 කාලයක් රැඳී සිටීම සඳහා දැන් වීසා නොමැතිව තායිලන්තයට ඇතුළු විය හැකි බවය.

තායි රජයේ ප්‍රකාශක Chai Wacharonke පවසන පරිදි, මෙම ව්‍යාප්තිය මගින් වීසා රහිත ප්‍රවේශය සඳහා සුදුසුකම් ඇති රටවල් සංඛ්‍යාව 57 සිට 93 දක්වා වැඩි කර තිබේ. මෙම මුලපිරීම සංචාරක ව්‍යාපාරය මත දැඩි ලෙස රඳා පවතින ජාතික ආර්ථිකය නංවාලීම අරමුණු කර ගෙන ඇති බව ඔහු පැවසීය.

නව වීසා ප්‍රතිපත්තිවලට ද ඇතුළත් වන්නේ:

වීසා-ඔන්-ඇරයිවල්: වීසා-ඔන්-ඇරයිවල් සඳහා සුදුසුකම් ලබන රටවල් සංඛ්‍යාව 19 සිට 31 දක්වා වැඩි වී ඇත.

වැඩ සහ සංචාරක වීසා: සංචාරය කරන අතරතුර වැඩ කිරීමට කැමති අමුත්තන්ට දින 180ක් දක්වා රැඳී සිටීම සඳහා වසර පහක වීසා බලපත්‍ර ලබා ගත හැකි අතර, තවත් දින 180ක් සඳහා දීර්ඝ කළ හැක.

මෙම යෝජනා ක්‍රමය ඩිජිටල් තාක්ෂණ ශිල්පීන්, නිදහස් සේවකයින්, දුරස්ථ සේවා සපයන සේවකයින් සහ “ගමනාන්ත තායිලන්ත වීසා” ලෙස නම් කර ඇති “මුආයි තායි” සහ තායි ආහාර ඉගෙන ගැනීමට කැමති අය ඉලක්ක කර ඇත.

සිසුන් සඳහා දීර්ඝ නවාතැන්: විදේශ සිසුන්ට උපාධිය ලැබීමෙන් පසු රට තුළ වසරක් රැඳී සිටිය හැකි අතර, තායිලන්තයට දක්ෂ වෘත්තිකයන් අවශ්‍ය ක්ෂේත්‍රවල රැකියා සොයා ගැනීමට ඔවුන්ට ඉඩ සලසයි.

මෙම ක්‍රියාමාර්ග 2024 ජූනි 1 සෙනසුරාදා දින සිට ක්‍රියාත්මක වේ. ( ඩේලි මිරර්)