රට තුළ පවතින අයහපත් කාලගුණ තත්ත්වයත් සමඟ විවිධ ප්‍රදේශවල සිදු වූ ගස් කඩා වැටීම් හේතුවෙන් පුද්ගලයින් 07 දෙනෙකු මිය ගොස් තිබෙනවා.
ආපදා කළමනාකරණ දෙපාර්තමේන්තු නිවේදනයක් නිකුත් කරමින් මේ බව සඳහන් කළා.
ඉන් කාන්තාවන් සිව් දෙනෙකු මිය ගොස් ඇති බව එහි සඳහන්.
ඉමදුව, බලංගොඩ, මාදම්පේ, නාත්තන්ඩිය, ආරච්චිකට්ටුව, වලපනේ සහ හපුතලේ යන ප්‍රදේශවලින් මෙම වාර්තා වී තිබෙනවා.
පුත්තලම දිස්ත්‍රික්කයෙන් තිදෙනෙකු මිය ගොස් ඇති අතර ඔවුන් සියලු දෙනාම කාන්තාවන් වනවා.
පවතින අයහපත් කාලගුණ තත්ත්වය හේතුවෙන් රට පුරා ගස් 2,000කට අධික ප්‍රමාණයක් කඩා වැටී ඇති බව වැඩිදුරටත් සඳහන්.