මියන්මාරයේ පරිගණක අපරාධකරුවන්ගේ සයිබර් කදවුර තුළ බලහත්කාරයෙන් රඳවා ගෙන සිටින ශ්‍රී ලාංකික තරුණ තරුණියන් 49 දෙනා සහ රුසියානු යුද්ධයට ගිය හිටපු හමුදා සාමාජිකයින් බේරාගෙන යළි ශ්‍රී ලංකාව වෙත රැගෙන ඒම සම්බන්ධයෙන් සාකච්ඡා කිරීම සඳහා විපක්ෂයේ මන්ත්‍රීවරුන් තිදෙනෙකු අද (27) අලුයම තායිලන්තය බලා පිටත්ව ගොස් තිබෙනවා.
පාර්ලිමේන්තු මන්ත්‍රීවරුන් වන වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා මෙලෙස පිටත්ව ගොස් ඇති බවයි වැඩිදුරටත් සඳහන් වන්නේ.