16 හැවිරිදි සිසුවිය දූෂණය කළ 42 හැවිරිදි ටියුෂන් ගුරාට වැඩ වරදී !

යාපනයේ මනිපායී ප්‍රදේශයේ පෞද්ගලික උපකාරක පන්තියක වයස අවුරුදු දාසයක සිසුවියක් සමග ලිංගික සබඳකම් පවැත්වූ අවුරුදු හතලිස් දෙකක ගුරුවරයෙකු මනිපායී පොලීසිය විසින් ඊයේ (25) අත් අඩංගුවට ගෙන තිබේ.
එම උපකාරක පන්තියට ගිය සිසුවියක් විසින් මේ සිද්ධිය අතවරයට ලක් වූ සිසුවියගේ දෙමව්පියන්ට පැවසීමෙන් පසුව එම දෙමව්පියන් මනිපායී පොලීසියට මේ සම්බන්ධයෙන් පැමිණිලි කොට ඇත.

පොලීසිය විසින් සිදු කළ පරීක්ෂණ වලදී හෙළි වී ඇත්තේ අදාල ගුරුවරයා තවත් සිසුවියන් කීප දෙනෙකුම තම ග්‍රහණයට හසු කර ගැනීමට උත්සහ කොට ඇතත් එම සිසුවියන් ඊට අවනත වී නොමැති බවයි.

මේ සිසුවිය රවටා ගත් ගුරුවරයා ඇය සමග කාලයක් ලිංගික සබදකම් පවත්වා ඇති අතර සිසුවිය යාපනය ශීක්ෂණ රෝහලට ඇතුළත් කොට අධිකරණ වෛද්‍ය නිලධාරීවරයාගෙන් ලබාගත් වාර්තාවකින් ඒ බව සනාථ වීමෙන් පසුව ගුරුවරයාව අත් අඩංගුවට ගෙන ඇත.

එම ගුරුවරයා යාපනයේ රජයේ පාසලක ගුරුවරයෙකු වන අතර ඔහුට නිදහස් අවස්ථාවලදී මනිපායී ප්‍රදේශයේ මෙම උපකාරක පන්තිය පවත්වා ගෙන ගොස් ඇති අතර සිසුවිය සමග ඔහු ලිංගිකව හැසිරී ඇත්තේ එම උපකාරක පන්ති ගොඩනැගිල්ලේ තිබූ කාමරයකදීය.

මනිපායී පොලීසිය අදාල ගුරුවරයාගෙන් හා උපකාරක පන්තියේ තවත් සිසුවියන් කීප දෙනෙකුගෙන් ප්‍රශ්න කරගෙන යන අතර සැකකටයුතු ගුරුවරයා යාපනය අධිකරණය වෙත ඉදිරිපත් කිරීමට පියවර ගෙන තිබේ.