රත්ගම පිංතාලිය හන්දිය දුම්රිය හරස් මාර්ගයේදී රුහුණු කුමාරී දුම්රියේ ගැටීමෙන් තරුණයන් තිදෙනකු අද(23) පස්වරුවේදී මිය ගොස් ඇති බැව් රත්ගම පොලිසිය පවසයි.
රුහුණු කුමාරී දුම්රිය කොළඹ සිට මාතර බලා ධාවනය වෙමින් තිබී ඇත.මියගිය තරුණයින් තිදෙනා යතුරුපැදියකින් අනතුරු ඇඟවීමේ සඥා පුවරු දැල්වෙමින් තිබියදී දුම්රිය හරස් මාර්ගය හරහා ගමන් කොට ඇති බැව් පොලිසිය පවසයි.
මියගොස් ඇත්තේ රත්ගම රෙජ්ජුපුර පදිංචි වයස අවුරුදු දහ අට දහනමය වැනි වියේ පසුවනතරුණයන් තිදෙනෙකි.එක් තරුණයකු අනතුර වූ ස්ථානයේදීම මියගොස් ඇති අතර අනික් තරුණයින් දෙදෙනා ගාල්ල කරාපිටිය ශික්ෂණ රෝහලට ඇතුළත් කිරීමෙන් පසුමිය ගොස් ඇති බැව් රත්ගම පොලිසිය පවසයි.