සිය වෘත්තීය ක්‍රියාමාර්ග තවදුරටත් තීව්‍ර කිරීමට විශ්වවිද්‍යාල අනධ්‍යයන සේවකයින් තීරණය කර තිබෙනවා.
තම ඉල්ලීම් ලබාදීම ප්‍රමාද කිරීම හේතුවෙන් මෙම තීරණය ගත් බවයි විශ්වවිද්‍යාල වෘත්තීය සමිති ඒකාබද්ධ කමිටුව සඳහන් කළේ.
ඒ අනුව විශ්වවිද්‍යාල තුළ ස්වේච්ඡාවෙන් කටයුතු කරන සියලුම සේවාවලින් ඉවත් වීමේ ඒකමතික තීරණයකට එළඹී ඇති බව එම කමිටුවේ සම සභාපති ධම්මික ප්‍රියන්ත මහතා පැවසුවා.
විශේෂයෙන්ම ජලය හා විදුලිය සැපයීම මුළුමනින්ම නතර කිරීමට පියවර ගන්නා බවයි ඒ මහතා අවධාරණය කළේ.
එමෙන්ම අන්තර්ජාල පහසුකම් සැපයීමෙන් සම්පූර්ණයෙන්ම ඉවත් වන බවත්, ඒ සියළු බිඳ වැටීම් සමග විශ්වවිද්‍යාල පද්ධතියේ බොහෝ දේවල් නතර වන බවත් ඔවුන් පෙන්වා දුන්නා.
විශ්වවිද්‍යාල පද්ධතිය තුළ රසායනාගාර මට්ටමෙන් පවත්වාගෙන යන සාම්පල විනාශ වීම සම්බන්ධයෙන් සම්පුර්ණ වගකීම රජයේ බලධාරීන් දැරිය යුතු බව පැවසූ ධම්මික ප්‍රියන්ත මහතා අවධාරණය කළේ එවැනි අපරාධයක් විශ්වවිද්‍යාල පද්ධතියට සිදුවන්නේ රජයේ ක්‍රියාකලාපය හේතුවෙන් බවයි.
තවදුරටත් සිය ගැටළුවලට විසඳුම් ලබාදීමට අදාළ බලධාරීන් පියවර නොගන්නේ නම් ස්වෙච්ඡාවෙන් විශ්වවිද්‍යාලයේ පවත්වාගෙන යන සංවේදී කටයුතු පිළිබඳව ද නැවත සිතීමට සිදුවන බවට විශ්වවිද්‍යාල අනධ්‍යයන සේවකයින් අනතුරු අඟවා සිටියා.
විවෘත රාජ්‍ය හවුල්කාරිත්වය (OGP) සඳහා ශ්‍රී ලංකාවේ කැපවීම නැවත සාකච්ඡා කිරීමට සහ OGP වැඩසටහන නැවත…
උසස් පෙළ විභාගය පැවැත්වෙන කාල සීමාව තුළ ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින්…
අධිකරණ නියෝගයකට අනුව වේයන්ගොඩ, වඳුරව ප්‍රදේශයේ වගුරු සහිත භූමියක ඇති බව කියන නිධානය සොයා පුරා…
ශ්‍රී ලංකාවට ලබා දී ඇති විස්තීරණ ණය අරමුදල් පහසුකම (EFF) යටතේ තුන්වන සමාලෝචනය අවසන් කිරීම…
මේ දිනවල ජනතාව අතර වෛරස් උණ රෝගයක් ව්‍යාප්ත වෙමින් ඇති බව සෞඛ්‍ය අංශ අනාවරණය කරනවා.…
විදෙස්ගත ශ්‍රමිකයින්ට මෙරටට විද්‍යුත් වාහන ගෙන්වීමට ලබා දී තිබූ බලපත්‍ර 1000කට අධික සංඛ්‍යාවක් අවභාවිත කර…