ශ්රී ලංකා පොදුජන පෙරමුණ නියෝජනය කරන පාර්ලිමේන්තු මන්ත්රීවරුන් සහ සියලු සංවිධායකවරුන් කොළඹට කැඳවා තිබේ.
ශ්රී ලංකා පොදුජන පෙරමුණේ නිර්මාතෘ හිටපු අමාත්ය බැසිල් රාජපක්ෂ මහතා විසින් අදාළ කැඳවීම සිදුකර ඇති බව වාර්තා වේ.
ඒ අනුව ශ්රී ලංකා පොදුජන පෙරමුණ නියෝජනය කරන සියලු පාර්ලිමේන්තු මන්ත්රීවරුන් සහ සංවිධායකවරුන් නෙළුම් මාවතේ පිහිටි පක්ෂ මූලස්ථානය වෙත පෙරවරු 10.45ට කැඳවා ඇති බව සඳහන්ය.
ඉදිරි දේශපාලන තත්ත්වය සම්බන්ධයෙන් සාකච්ඡා කිරීම මෙම පොහොට්ටුව හමුවීමේ අරමුණ වී ඇති බව වාර්තා වේ.
මේ අතර ජනාධිපති රනිල් වික්රමසිංහ මහතා සහ හිටපු අමාත්ය බැසිල් රාජපක්ෂ මහතා අතර පසුගියදා පැවති සාකච්ඡාවේ දී ගනුලැබු තීන්දු තීරණ පිළිබඳව ද මෙහිදී සාකච්ඡා කිරීමට නියමිතව තිබේ.
ජනාධිපතිවරයා සහ බැසිල් රාජපක්ෂ මහතා අතර පවතින දේශපාලන තත්ත්වය සම්බන්ධයෙන් පසුගිය සෙනසුරාදා පස්වරුවේ අදාළ සාකච්ඡාව පවත්වා ඇති බව සඳහන්ය.
මේ අතර වසර 05කට පසුව ශ්රී ලංකා නිදහස් පක්ෂ මූලස්ථානය වෙත හිටපු ජනාධිපතිනි චන්ද්රිකා බණ්ඩාරනායක කුමාරතුංග මහත්මිය සාකච්ඡාවක් සඳහා පැමිණ තිබේ.
ඊයේ (06) පස්වරුවේ ශ්රී ලංකා නිදහස් පක්ෂ මූලස්ථානයේ පැවති අදාළ සාකච්ඡාවට අමාත්ය මහින්ද අමරවීර, රාජ්ය අමාත්ය සුරේෂ් රාගවන්, පාර්ලිමේන්තු මන්ත්රී දුමින්ද දිසානායක ඇතුළු පිරිසක් එක්ව සිටියහ.
පොහොට්ටුවේ සියලු මන්ත්රීවරුන්ට හා සංවිධායකවරුන්ට හදිසි කැඳවීමක් !
![පොහොට්ටුවේ සියලු මන්ත්රීවරුන්ට හා සංවිධායකවරුන්ට](https://ceylonnewsfactory.lk/wp-content/uploads/2024/05/SLPP.webp)
1 Comment
1 Comment
අපිට පුපද බන් ඉතින්..උබලගේ news මේවද