ඩුබායි රාජ්‍යයේ සැඟව සිටියදී රතු වරෙන්තු මත එරට දී අත්අඩංගුවට ගැනුණු මෙරට සංවිධානාත්මක අපරාධ රැසක් මෙහෙයවන්නකු බවට සැලකෙන මන්නා රමේෂ් හෙවත් රමේෂ් මිහිරංග අද උදෑසන මෙරටට රැගෙන ආ බව පොලිස් ආරංචි මාර්ග පවසයි. අද අලුයම ඔහු ඩුබායි සිට මෙරටට රැගෙනවිත් ඇත්තේ විශේෂ පොලිස් කණ්ඩායමක් මඟිනි.
අවිස්සාවේල්ල පුදේශය කේන්දු කරගෙන ක්‍රියාත්මක වූ මෙම අපරාධ කල්ලි සාමාජිකයා එම ප්‍රෙද්ශයේ සහ ආසන්න ප්දේ‍රශවල ව්‍යාපාරිකයන්ගෙන් කප්පම් ලබා ගැනීම සහ රත්නපුර ඇහැලියගොඩ වැනි ප්‍රදේශවල කෝටිපති මැණික් ව්‍යාපාරිකයන්ට මරණ තර්ජන එල්ල කර ලක්ෂ ගණනින් කප්පම් ලබා ගැනීම, මිනිමැරුම් සිදු කිරීම ඇතුළු චෝදනා රැසක් එල්ල වී සිටි සැකකරුවෙකි.
මෑතකදී තල්දූවේදී අවමංගල්‍යයකට සහභාගි වී ත්‍රිරෝද රථයකින් යමින් සිටි පුද්ගලයන් සිව්දෙනකුට වෙඩි තැබීමකින් පුද්ගලයන් දෙදෙනකු ඝාතනය කිරීමද ඔහු ගේ මෙහෙයවීමෙන් සිදුවූබවට තොරතුරු ලැබිණි. රමේෂ්ගේ කල්ලියේ සගයකු වූ තල්ලුවේ මහේෂ් නමැත්තා පොලිස් වෙඩි පහරින් මිය යෑමෙන් පසු රමේෂ් නමැත්තා ඩුබායි සිට එම මෙහෙයුමට සම්බන්ද පොලිස් නිලධාරීන්ට තර්ජනය කළ බවටද පසුගියදා වාර්තා විය. සිට තර්ජන එල්ල කළේය.
අපරාධ පරීක්ෂණ දෙපාර්තමේන්තු නිලධාරීන් විසින් මෙරටට රැගෙන එන ලද මෙම පුද්ගලයා වැඩිදුර විමරශණ සඳහා බස්නාහිර පළාත් දකුනු කොට්ඨාසයට භාර දී ඇති බව පොලිස් ආරංචි මාර්ග සඳහන් කළේය.