අධ්‍යාපන අමාත්‍යාංශයේ වෙබ් අඩවිය තාවකාලිකව බිඳ වැටීමකට ලක්ව තිබෙනවා.
ඒ සම්බන්ධයෙන් ශ්‍රී ලංකා පරිගණක හදිසි ප්‍රතිචාර සංසදය (SLCERT) හා විදුලි සංදේශ නියාමන කොමිෂන් සභාව (TRC) ඇතුලු පාර්ශව රැසක් ඒකාබද්ධව විශේෂ විමර්ශනයක් සිදු කරමින් පවතින බවයි එම අමාත්‍යාංශය නිවේදනයක් නිකුත් කරමින් සඳහන් කළේ.
එම වෙබ් අඩවිය කඩිනමින් යථා තත්ත්වයට පත් කිරීමට අධ්‍යාපන අමාත්‍යාංශය පියවර ගනිමින් සිටිනවා.
මේ පිළිබඳ පරිශීලකයන්ට සිදුවන අපහසුතාවය පිළිබඳව කණගාටුව ප්‍රකාශ කරන බවද එම අමාත්‍යාංශය නිකුත් කළ නිවේදනයේ වැඩිදුරටත් සඳහන්.