නැඟෙනහිර පළාතේ ක්රියාත්මක පිල්ලෙයාන්ගේ කණ්ඩායම් සතුව නීතිවිරෝධී ආයුධ තොග පවතින බවත් එම ආයුද තොග සොයාදීමට තමාට හැකි බවත් ඊරොස් (ඊළාම් විප්ලවීය ශිෂ්ය සංගමය) සංවිධානයේ නායක ආර්. ප්රභා පැවැසීය.
නැඟෙනහිර පළාතේ ක්රියාත්මක බව කියන අල්පතා, අරියාද් හා ජියාද් යන කණ්ඩායම් සතුව පවතින නීතිවිරෝධී ආයුද තොගද තමන්ට සොයාදිය හැකි බව ඔහු සඳහන් කළේය.
ඊරෝස් නායකයා පැවැසුවේ තම කණ්ඩායමට රජයෙන් පිස්තෝල 10ක් සපයන්නේ නම් එම ආයුද සොයාදිය හැකි බවයි.
මඩකළපුවේදී පෙරේදා (31දා) මාධ්ය හමුවක් කැඳවමින් ඔහු මෙම ඉල්ලීම සිදුකළ අතර එහිදී වැඩිදුරටත් මෙසේද කීය.
“නැඟෙනහිර පළාතේ නීතිවිරෝධී ආයුධ තිබෙනවා. මේ ආයුද සියල්ල සොයාදෙන්න අවශ්ය නම් ඊරොස් සංවිධානය වන අපේ සංවිධානයේ සාමාජිකයන් 10 දෙනකුට පිස්තෝල 10ක් සපයා දෙන්න. එවිට මම මේ ආයුද සියල්ල සොයා දෙනවා. අල්පතා, අඩු පියාද්, ජියාද් හා පිල්ලෙයාන් කණ්ඩායම යන මේ සියලු කණ්ඩායම් සඟවාගෙන සිටින ආයුද මට හොයලා දෙන්න පුළුවන්.
සිවනේ සතුරෙයි චන්ද්රකාන්තන් හෙවත් පිල්ලෙයාන් දැන් පොතක් ලියා තිබෙනවා. ඔහු එම පොත ලියා ඇත්තේ ඔහුගේ උපදේශකයකු වශයෙන් කටයුතු කරන ඥානම් නමැත්තා ලවා විය හැකියි. පිල්ලෙයාන් ගැන තොරතුරු රැසක් දැන් හෙළි වෙමින් තිබෙනවා. පාස්කු ඉරිදා ත්රස්ත ප්රහාරයටත් පිල්ලෙයාන්ටත් සම්බන්ධයක් තිබෙන මම දැනටමත් ප්රකාශ කර තිබෙනවා. පිල්ලෙයාන් මන්ත්රී ජෝශප් පරරාජසිංහම් මහතාගේ ඝාතනයට සැකපිට අත්අඩංගුවට ගෙන මඩකළපුව බන්ධනාගාරයේ සිරගත කර සිටියා. ඒ බන්ධනාගාරයේදී රැවුල වවාගත් දෙදෙනෙකු එනම් සහරාන්ගේ ඥාතීන් යැයි කියන දෙදෙනකු ඇසුරු කළා යැයි පිල්ලෙයාන්ම ප්රකාශ කළා. එම පුද්ගලයන් දෙදෙනාට අයි. එස්. අයි. එස්. සංවිධානය සමඟ සම්බන්ධයක් තිබෙනවා විය හැකි යැයි ඔහු සැක කළ බවත් පවසා තිබුණා. එහෙනම් මෙතෙක් කාලයක් පිල්ලෙයාන් කෝමාවෙන් නිදාගෙන සිටියාද? අද නැඟෙනහිර පළාතේ ජනතාව කන්න නැතිව අව්වේ නියභයෙන් දුක් විඳිනවා. නමුත් පාලකයො සුඛෝපභෝගී ජීවිත ගත කරනවා. මේ හැමෝටම ඉදිරියේදී පාඩම් තිබෙනවා ජනතාවගෙන් ඉගෙන ගන්න.
රනිල් වික්රමසිංහ අද මේ රටට ලැබිලා තිබෙන වරප්රසාදයක්. ඔහු තවත් වසර පහක කාලයක් මේ රටේ ජනාධිපති ධුරය හොබවනු ඇතැයි අපි අපේක්ෂා කරනවා. මේ රට සංවර්ධනය කරන්න පුළුවන් ඔහුට පමණයි. ඔහුට මේ රටේ ජාතිවාදය තුරන් කරන්න පුළුවන්. ජාත්යන්තර සබඳතා මත මේ රට ගොඩනගන්න පුළුවන් හැකියාවක් තිබෙන්නේ රනිල් වික්රමසිංහ ජනාධිපතිවරයාට විතරයි.යුද්ධයෙන් පීඩාවට පත් පළාතක් වන නැඟෙනහිර පළාතට ජනාධිපති රනිල් වික්රමසිංහ දෙමළ ආණ්ඩුකාරවරයෙක් වශයෙන් සෙන්දිල් තොණ්ඩමන් පත්කර තිබෙනවා. ඉන්දියාවට නෑදෑකම් ඇති ඔහු වැනි අයෙක් අපේ පළාතට පත් කිරීම ගැන අපි සතුටු වුණා. එහෙත් කොහෙද මේ පළාත දියුණු වුණේ. වත්මන් ආණ්ඩුකාරවරයා කරන වැඩ ඔබලා දන්නවාද? 1940 කදුකරයේ ලංකා කම්කරු කොංග්රසය වෘත්තීය සමිතිය පිහිටුවනු ලැබුවා. කඳුකරයේ සීතලේ, වැස්සේ කුඩැල්ලන්ගෙන් පීඩා විඳිමින් වතුකරයේ වැඩ කරන ජනතාව මේ වෘත්තීය සමිතියට මාසයෙන් මාසයට අරමුදල් ලබා දුන්නා. අදටත් මේ වෘත්තීය සමිතියට අරමුදල් මේ විධියට සැපයෙනවා. එහෙනම් හිතන්න අද මේ වෘත්තීය සමිතියේ ගිණුම් වල කොපමණ විශාල මුදලක් තිබෙනවා ඇද්ද? කෝටි දහස් ගණනක් මුදල් එම ගිණුම්වල ඇති, එවැනි මුදල් ගිණුම් සමඟ ගනුදෙනු කළ සෙන්දිල් තොණ්ඩමන් වන්නකු මේ පළාතේ ආණ්ඩුකාර ධුරයට පත්කර තිඛෙනවා.”
(මව්බිම)
පොළොන්නරුව මඩකලපුව ප්රධාන මාර්ගයේ කදුරුවෙල නගරයේ ඊයේ රාත්රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…