දුමින්ද, ලසන්ත සහ අමරවීර ශ්‍රීලනිප තනතුරුවලින් එළවයි – අලුත් මූණු මෙන්න !

ශ්‍රී ලංකා නිදහස් පක්ෂයේ ඉහළ තනතුරු දැරූ තිදෙනෙකු ඉන් ඉවත් කර තිබෙනවා.

ඒ, අද (30) රැස්වූ පක්ෂ විධායක සභාව විසින්.

එහි දී ශ්‍රී ලංකා නිදහස් පක්ෂයේ ජාතික සංවිධායක ධුරයෙන් දුමින්ද දිසානායක මහතාව ඉවත් කර ඇති බව සඳහන්.

එමෙන් භාණ්ඩාගාරික ධුරයෙන් ලසන්ත අලගියවන්න සහ ජ්‍යෙෂ්ඨ උප සභාපති ලෙස කටයුතු කළ මහින්ද අමරවීර යන මහත්වරුන් ඉවත් කිරීමටයි කටයුතු කර ඇත්තේ.

ශ්‍රී ලංකා නිදහස් පක්ෂයේ සියලු ආසන සංවිධායකවරුන් සහ විධායක කමිටු සාමාජිකයින් රැස්වී අදාළ තීරණය ගෙන ඇති බවයි වාර්තා වන්නේ.

ඉන් අනතුරුව හිස් වූ ධුර සඳහා නව පත් කිරීමට සිදු කර තිබෙනවා.

ඒ අනුව ශ්‍රී ලංකා නිදහස් පක්ෂයේ නව ජාතික සංවිධායකවරයා ලෙස පත් කර ඇත්තේ, කේ.පී ගුණවර්ධන මහතායි.

ඔහු මීට පෙර මහියංගනය ආසන සංවිධායක ලෙස කටයුතු කළා.

පක්ෂයේ නව භාණ්ඩාගාරික ලෙස බස්නාහිර පළාත් සභාවේ හිටපු අමාත්‍ය හෙක්ටර් බෙත්මගේ මහතා පත් කර ඇති බව සඳහන්.

ජ්‍යෙෂ්ඨ උප සභාපති ලෙස සරත් ඒකනායක මහතාව පත් ඇති බවයි වැඩිදුරටත් වාර්තා වන්නේ.