සමුපාකාර තොග වෙළද සංස්ථාවේ ප්‍රවාහන අංශය දිගින් දිගටම පාඩු ලබමින් පවතින අතර ඉකුත් වසර හතර තුළ (2019 සිට 2022) රුපියල් විසි හය කෝටි,හැත්තෑ තුන් ලක්ෂ, දාහතර දහස්,නවසිය තිස් දෙකක (267,314,932) පාඩුවක් ලබා ඇති බවත් ජාතික විගණන කාර්යාලය මගින් නිකුත්කොට ඇති වාර්තාවක සදහන් වේ.
2022 වර්ෂය තුළ පමණක් සමුපාකාර තොගවෙළඳ සංස්ථාවේ ප්‍රවාහන අංශය ලබා ඇති අලාභය රුපියල් හත් කෝටි, පනස් එක් ලක්ෂ හතලිස් තුන්දහස්,හත්සිය අසු හතකි (75,143,787). 2021 වර්ෂයට සාපේක්ෂව 2022 වර්ෂයේ සතොස ප්‍රවාහන අංශය ලබා ඇති අලාභය රුපියල් දෙකොටි, පනස්එක් ලක්ෂ, විසිහතර දහස්, නවසිය හතලිස් නවයකින් (25,124,949) වැඩිවි ඇත. සතොස ප්‍රවාහන අංශය 2019 වර්ෂයේ දි රුපියල් හයකෝටි, අනු හත් ලක්ෂ ,හතලිස් දෙදහස්,අටසිය හැට තුනක(69,742,863) අලාභයක් සහ 2020 වර්ෂයේ දි හත්කෝටි,විසිහතර ලක්ෂ, නමදහස් හාරසිය හතලිස් හතරක (72.409,444) පාඩුවක් ලබා ඇති බව විගණන වාර්තාවේ සඳහන් වේ.
අරමුණු කාර්යක්ෂමව හා ඵලදායීව ඉටුකරගත යුතු බැව් විගණනය මගින් නිර්දේශකොට ඇත. මේ සඳහා සමුපාකාර තොග වෙළඳ සංස්ථාවේ කළමණාකාරිත්වය විසින් විගණනයට පිළිතුරු සපයා නොතිබුණි.