ශ්රී ලංකා ප්රිමියර් ලීග් තරගාවලියේ සාර්ථකම නායකයා වන තිසර පෙරේරා ජැෆ්නා කිංග්ස් කණ්ඩායමේ නායකත්වයෙන් සමුදීමට තීරණය කර තිබෙනවා.
මේ බව ඔහු එම කණ්ඩායම් කළමනාකාරීත්වයට දැනුම් දී ඇති බව සඳහන්.
2020 ලංකා ප්රිමියර් ලීග් තරගාවලියේ ශූරතාව දිනා ගත් ජැෆ්නා ස්ටැලියන්ස් සහ ඉන් අනතුරුව අඛණ්ඩව ශූරතාව දිනාගත් ජැෆ්නා කිංග්ස් කණ්ඩායමේ නායකයා ලෙස තිරස පෙරේරා කටයුතු කිරීමත් විශේෂත්වයක්.
ඉදිරියේ දී ජැෆ්නා කිංග්ස් කණ්ඩායමට නව නායකයෙකු පත් කරනු ඇති.
මේ අතර ජැෆ්නා කිංග්ස් කණ්ඩායමේ ප්රධාන පුහුණුකරු ධුරයෙන් තිලිණ කණ්ඩම්බි මීට පෙර ඉවත් වුණා.
2020 ලංකා ප්රිමියර් ලීග් තරගාවලියේ ශූරතාව දිනා ගත් ජැෆ්නා ස්ටැලියන්ස් සහ ඉන් අනතුරුව අඛණ්ඩව ශූරතාව දිනාගත් ජැෆ්නා කිංග්ස් කණ්ඩායමේ ප්රධාන පුහුණුකරු ලෙස කටයුතු කළා.
මෙරට ප්රිමියර් ලීග් තරගාවලියේ සාර්ථක පුහුණුකරුවා ලෙස තිළිණ කණ්ඩම්බි හඳුන්වා දිය හැකියි.
ශ්රී ලංකා ප්රිමියර් ලීග් තරගාවලියේ 05 වන අදියර මෙම වසරේ ජුලි මස පළමු වනදා ආරම්භ කිරීමට සැලසුම් කර තිබෙනවා.
එම මස 21 වනදා දක්වා පැවැත්වීමට කටයුතු යොදා ඇති බවයි, ශ්රී ලංකා ක්රිකට් ආයතනය නිවේදනය කළේ.
මෙම තරගාවලිය සඳහා කණ්ඩායම් 05ක් තරග වැදීමට නියමිතයි.
එහි දී තරග 24ක් පැවැත්වීමට සැලසුම් කර ඇති බව අදාළ නිවේදනයේ සඳහන්.
පළමු වටයේ තරග 20ක් පැවැත්වෙනවා.
අවසන් මහා තරගය, සුදුසුකම් ලැබීමේ තරග දෙක සහ පරාජිතයා පිටුදැකීමේ තරගය ඇතුළු තරග හතරක් අවසන් වටයේ දී පැවැත්වීමටයි සැලසුම් කර ඇත්තේ.
එක් කණ්ඩායමකට ක්රීඩකයින් 20 දෙනෙකු නියෝජනය කළ යුතුයි.
ඉන් ක්රීඩකයින් හය දෙනෙකු විදේශ ක්රීඩකයින් විය යුතු බවයි ශ්රී ලංකා ක්රිකට් ආයතනය නිකුත් කළ නිවේදනයේ වැඩිදුරටත් දැක්වෙන්නේ.
පොළොන්නරුව මඩකලපුව ප්රධාන මාර්ගයේ කදුරුවෙල නගරයේ ඊයේ රාත්රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…