2024 පැරිසියේ පැවැත්වෙන ඔලිම්පික් උළෙලේ සමාරම්භක උත්සවයට රුසියානු සහ බෙලාරුසියානු ක්රීඩක ක්රීඩිකාවන් සහභාගී නොවන බව ජාත්යන්තර ඔලිම්පික් කමිටුව පවසයි.
2022 පෙබරවාරි මාසයේදී රුසියාව යුක්රේනය ආක්රමණය කිරීමත් සමඟ දෙරටේම ක්රීඩක ක්රීඩිකාවන්ට ඔලිම්පික් ක්රීඩා උළෙල තහනම් කරන ලදී.
කෙසේ වෙතත්, ක්රීඩා උළෙලට සුදුසුකම් ලබන රුසියාවේ සහ බෙලරුස් ක්රීඩක ක්රීඩිකාවන්ට රටක් නියෝජනය නොකර මධ්යස්ථ ලෙස තරඟ කළ හැකිය.
ඔවුන් සමාප්ති උත්සවයේ කොටස්කරුවන් වීම පිළිබඳව පසුව තීරණයක් ගනු ඇත.
“ඔවුන් තනි තනි ක්රීඩක ක්රීඩිකාවන් බැවින් ඔවුන් සමාරම්භක උත්සවයට සහභාගී වන්නේ නෑ. නමුත් ඔවුන්ට එම ඉසව්වට සහභාගී වීමට අවස්ථාවක් සලසනවා” අන්තර් ජාතික ඔලිම්පික් කමිටුව පැවසුවේය..
මේ වන විට 2024 පැරිස් ඔලිම්පික් උළෙල සඳහා සුදුසුකම් ලබා ඇති රුසියානු විදේශ ගමන් බලපත්රයක් සහිත ක්රීඩක ක්රීඩිකාවන් 12 ක් සහ බෙලාරුසියානු විදේශ ගමන් බලපත්රයක් සහිත ක්රීඩක ක්රීඩිකාවන් හත් දෙනෙක් ඔලිම්පික් ක්රීඩා ඉසව් සඳහා එක්වන අතර ඔවුන් තනි මධ්යස්ථ පුද්ගලයින් ලෙස සලකන බව ඔලිම්පික් කමිටුව අවධාරණය කරයි.
පැරිසියේ පැවැත්වෙන මෙම ගිම්හාන ක්රීඩා සඳහා එක්වන රුසියානු සහ බෙලරුසියානු ක්රීඩක ක්රීඩිකාවන්ට ඔවුන්ගේ රටේ ජාතික කොඩිය, ලාංඡනය ප්රදර්ශනය නොකර තරග කිරීමත්, එම රටවල ජාතික ගීතය වාදනය නොකිරීමත් ඔවුන් තරගාවලියට ඇතුළත් කරගනු ලබන කොන්දේසිවලට ඇතුළත් වේ.
ඔලිම්පික් ප්රධානීන් රුසියානු ක්රීඩිකාවන්ට සමාරම්භක උත්සවය තහනම් කිරීමෙන් දිනකට පසු ජාත්යන්තර ඔලිම්පික් කමිටුවට රුසියාව තම කෝපය ප්රකාශ කළේය.
ඊයේ රුසියාව නිවේදනයක් නික්තු කරමින් රුසියානු විදේශ අමාත්යාංශයේ ප්රකාශිකා මාරියා සකාරෝවා කීවේ ජාත්යන්තර ඔලිම්පික් කමිටුව විසින් පනවන ලද පෙර නොවූ විරූ වෙනස් කොට සැලකීමේ කොන්දේසි ගැන රුසියාව කෝපයට පත් වී සිටින බවය.
ඊට පිළිතුරු වශයෙන් 2026 ශීත ඍතු ක්රිඩා උළෙල ‘මිත්රත්ව ක්රීඩා’ ලෙස පැවැත්වීමට රුසියාව සැලසුම් කරමින් ඇත. 1984 ලොස් ඇන්ජලීස් ඔලිම්පික් උළෙල වර්ජනය කිරීමෙන් පසුව සෝවියට් සංගමය සහ තවත් රටවල් අටක් විසින් පළමු මිත්රත්ව ක්රීඩා උළෙල සංවිධානය කරන ලදී.
මෙම සැලසුමට ප්රතිචාර දක්වමින් අන්තර්ජාතික ඔලිම්පික් කමිටුව පැවසුවේ රුසියාවේ මෙම සැලසුම “ක්රීඩාව දේශපාලනීකරණය කිරීමේ නරුම උත්සාහයක්” බවය.
මේ ප්රයත්නයට අන්තර්ජාතික ඔලිම්පික් කමිටුව සිය බලවත් විරෝධය පල කරන්නේ එම ක්රීඩා උත්සව සැලැස්ම “ඔලිම්පික් ප්රඥප්තිය අමු අමුවේ උල්ලංඝනය කිරීමක්” බව කියමිනි.
පසුගිය සතියේ, ලෝක තහනම් උත්තේජක විරෝධී නියෝජිතායතනය, ස්විට්සර්ලන්තයේ ලෝසාන් හි පැවති රැස්වීමේදී මෙම ක්රීඩා උළෙල අනුමත නොකරන බවත් ලෝක තහනම් උත්තේජක මර්දන නීති සංග්රහයේ ආරක්ෂාව යටතේ මිත්රත්ව ක්රීඩා උළෙල නොපැවැත්වෙන බැවින් ක්රීඩකයන්ගේ “සෞඛ්යය සහ සාධාරණත්වය” අවදානමට ලක්විය හැකි බවත් පවසා තිබිණි. .
රුසියානු රජය “ගෝලීය තහනම් උත්තේජක විරෝධී ප්රමිතීන්ට සහ තරඟවල අඛණ්ඩතාවට පූර්ණ අගෞරවයක්” පෙන්වන බව මේ අතර අන්තර්ජාතික ඔලිම්පික් කමිටුව සඳහන් කරන්නේය.
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…