රේගු ත්‍යාග අරමුදල සම්බන්ධයෙන් ශ්‍රී ලංකා රේගුව සහ මහා භාණ්ඩාගාරය අතර යළි හටගත් ආරවුලක් හේතුවෙන් කොළඹ වරායේ බහාලුම් 600කට අධික සංඛ්‍යාවක් රඳවාගෙන වෘත්තීය ක්‍රියාමාර්ගයක් ආරම්භ කර තිබේ.
රේගු අධ්‍යක්ෂ ජනරාල්වරයා යටතේ පවතින ත්‍යාග අරමුදලේ ඉතිරිය මුදල් අමාත්‍යංශයට පවරන බව මහා භාණ්ඩාගාරය පසුගිය බ්‍රහස්පතින්දා ශ්‍රී ලංකා රේගුවට දැනුම්දීමෙන් පසුව මෙම ගැටුම හටගෙන තිබේ.
රේගු නිලධාරීන්ට ත්‍යාග ගෙවීමට අමතරව අතිකාල දීමනා සහ පුහුණු කටයුතු සඳහා වියදම් කිරීමට මෙම මුදල් යොදවන බැවින් ත්‍යාග අරමුදල රේගු අධ්‍යක්ෂ ජනරාල්වරයා යටතේ අඛණ්ඩව පවත්වාගෙන යන ලෙස රේගු නිලධාරීන් ඉල්ලා ඇත.
ත්‍යාග අරමුදල මුදල් අමාත්‍යංශයේ පාලනය යටතේ තිබෙන විට ඔවුන්ගේ ගෙවීම් ප්‍රමාද වන බවත්, එමගින් ඔවුන්ගේ දිරිගැන්වීම් පහත වැටෙන බවත් පවසමින් රේගු නිලධාරීන් ඔවුන්ගේ ඉල්ලීම සාධාරණීකරණය කර ඇත.
කෙසේවෙතත්, මුදල් අමාත්‍යංශයේ ජ්‍යෙෂ්ඨ නිලධාරියකු පැවසුවේ අන්තර්ජාතික මූල්‍ය අරමුදලේ වැඩසටහනක් යටතේ ආයතන 14ක අරමුදල් මුදල් අමාත්‍යංශය යටතට ගෙනඒමට කටයුතු කරන අතර ඒ යටතේ රේගු අරමුදල් ද මුදල් අමාත්‍යංශය යටතට පත්විය යුතු බවයි.
ත්‍යාග අරමුදලේ රුපියල් මිලියන 100ක් තබා ගැනීමටත් ඉතිරි මුදල මුදල් අමාත්‍යංශයට පැවරීමටත් රේගුවට අවස්ථාව ලබාදී ඇත්තේ සතියක් ඇතුළත එම ගෙවීම් සිදුකරන බවට සහතික වී බවද ඔහු පැවසීය.
අරමුදලේ දැනට රුපියල් මිලියන 700කට වැඩි මුදලක් ඇති අතර පොලී ද එකතු වෙමින් පවතී.
රේගු නිලධාරීන්ගේ සංගමයේ සභාපති ජේ.ජී.ඒ. සංජීව ප්‍රකාශ කර ඇත්තේ, පසුගියදා නිකුත් කරන ලද ත්‍යාග චෙක්පත් කිහිපයක් මුදල් නොමැතිකම හේතුවෙන් ආපසු පැමිණ ඇති බැවින් එම අරමුදල රේගුව යටතේ තබා ගන්නා ලෙස ඉල්ලා සිටීමට තීරණය කළ බවයි.
වෘත්තීය සමිති ක්‍රියාමාර්ගයේ මූලික කොටස ලෙස අතිකාල රාජකාරි සිදුකිරීමෙන් රේගු නිලධාරීන් ඉවත් වී ඇති බවත්, එම ගැටලුවට විසඳුම් ලබාදීමට රජය අපොහොසත් වුවහොත් ඉදිරි වෘත්තීය ක්‍රියාමාර්ගයකට එළඹෙන බවත් ඔහු සඳහන් කළේය.
මේ අතර, බහාලුම් ක්‍රියාකරුවන්ගේ සංගමයේ සභාපති සනත් මංජුල කියාසිටියේ ඊයේ දිනයේ කොළඹ වරාය පර්යන්තයෙන් පිටත බහාලුම් 600ක් පමණ රඳවා තිබූ අතර ඇතැම් ඒවා වරාය තුළද රඳවා ඇති බවයි.
රේගුව මේ වන විට අකුරට වැඩ කිරීමේ ව්‍යාපාරයක් කරගෙන යන බවත්, හදිසි භාණ්ඩ පමණක් නිෂ්කාශනය කරන බව පැවසෙන බවත් ඔහු සඳහන් කළේය.
මේ නිසා කන්ටේනර් සත්‍යාපන ස්ථානවල රඳවා ඇති අතර ට්‍රක් රථවල රියැදුරන් ආරක්‍ෂාව පිළිබඳ ගැටලුවලට මුහුණ දී සිටින බව ඔහු පෙන්වා දෙයි.
දැනට නැව් නැංගුරම් ලා නොමැති බව පැවසුවද සෙනසුරාදා සහ ඉරිදා නැංගුරම් ලෑමේ දිනයන් බැවින් සඳුදා වන විට වරාය තුළ ඇති පර්යන්තවල තත්ත්වය තවත් උග්‍ර විය හැකි බව ඔහු සඳහන් කළේය.
මෙම වෘත්තීය ක්‍රියාමාර්ගය හේතුවෙන් වරායේ සහ ගුවන් තොටුපළේ කටයුතුවලට බලපෑම් එල්ල වී ඇති අතර නිලධාරීන් අත්‍යවශ්‍ය ද්‍රව්‍ය නිෂ්කාශන කටයුතු පමණක් සිදුකරන බව රේගු මාධ්‍ය ප්‍රකාශක සීවලී අරුක්ගොඩ ප්‍රකාශ කළේය.
මුදල් අමාත්‍යංශය විසින් හෙට දිනයේදී මෙම ගැටලුව ජනාධිපති රනිල් වික්‍රමසිංහ වෙත ඉදිරිපත් කිරීමට නියමිතය.
ගලෙන්බිදුණුවැව - අක්කර විස්ස ප්‍රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්‍රදේශයේ නිවසක නවතා තිබූ කැබ් රථයක් සහ ත්‍රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්‍ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්‍රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්‍රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්‍රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්‍රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…