ඔන්මැක්ස් සභාපති අත්අඩංගුවට ගන්න රතු වරෙන්තුවක් – ගිණුම්වල කෝටි 1645කට අධික මුදලක් !

ඔන්මැක්ස් ඩී.ටී. නමැති නීතිවිරෝධී පෞද්ගලික මුල්‍ය ආයතනයේ සභාපතිවරයා අත්අඩංගුවට ගැනීම සඳහා ඉංග්‍රීසි භාෂාවෙන් රතු වරෙන්තුවක් නිකුත් කර තිබෙනවා.

ඒ කොළඹ ප්‍රධාන මහේස්ත්‍රාත් ප්‍රසන්න අල්විස් මහතා විසින්.

ඔන්මැක්ස් ඩී.ටී. නමැති නීතිවිරෝධී පෞද්ගලික මුල්‍ය ආයතනයේ සභාපතිවරයාගේ අන්තර්ජාල ගිණුම්වල රුපියල් කෝටි 1645කට අධික මුදලක් පවතින බවට අනාවරණ වී තිබෙනවා.

අපරාධ පරීක්ෂණ දෙපාර්තමේන්තුව විසින් කොළඹ ප්‍රධාන මහේස්ත්‍රාත් අධිකරණයට කරුණු දක්වමින් මේ බව අනාවරණ කළා.

සැකකාර සභාපතිවරයා ජාත්‍යන්තර මුල්‍ය වෙළඳපොලේ ක්‍රිප්ටෝ කරන්සි හා බයිනෑන්ස් මුල්‍ය වේදිකා හරහා මෙම අන්තර්ජාල ගිණුම් පවත්වාගෙන ගොස් ඇති බව සඳහන්.

USDP මිලියන 4.7ක මුදලක් මෙලෙස ආයෝජනය කර ඇති බවටත්, ඔන්මැක්ස් මූල්‍ය සමාගමේ සැකකාර අධ්‍යක්ෂකවරයෙකු ක්‍රිප්ටෝ කරන්සි ගිණුම් 400ක් හරහා මුදල් තැන්පත් කර ඇති බවටත්, ගිණුම් හතරකින් සභාපතිවරයාට සෘජුවම මුදල් බැර වී ඇති බවටත්, කරුණු අනාවරණ වී තිබෙනවා.

සැකකාර අධ්‍යක්ෂක විසින් සෘජුවම තැන්පත් කර ඇති මුදල රුපියල් කෝටි 385ක්.

මීට අමතරව ජෝර්ජියානු ජාතිකයෙකුගේ ගිණුමකට රුපියල් කෝටි 490කට අධික මුදලක් බැර වී ඇති බවටද කරුණු ඉදිරිපත් වී තිබෙනවා.

ඒ අනුව මෙම කරුණු සළකා බැලූ කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අදාළ සභාපතිවරයා හා විදේශිකයා ජාත්‍යන්තර පොලිසිය හරහා අත්ඩංගුවට ගැනීමට ඉංග්‍රීසි භාෂාවෙන් රතු වරෙන්තුවක් නිකුත් කළා.

‘ඔන්මැක්ස්’ සභාපතිවරයා ලෙස කටයුතු කළ මදුරංග ප්‍රසන්න සමරකෝන් හෙවත් සෑම් බස්නායක නමැති සැකකරු පොලිසිය මඟ හරිමින් ඕස්ට්‍රේලියාවට පැනගොස් ඇති බවට අපරාධ පරීක්ෂණ දෙපාර්තමේන්තුව කළ කරුණු දැක්වීම සලකා බැලීමෙන් පසුව ප්‍රධාන මහේස්ත්‍රාත්වරයා විසින් මෙම වරෙන්තුව නිකුත් කර ඇති බව වැඩිදුරටත් සඳහන්