බංගලාදේශය සමඟ එක්දින තරඟාවලියට ශ්‍රී ලංකා කණ්ඩායමේ වෙනස්කම් රැසක් !

බංගලාදේශ කණ්ඩායම සමඟ පැවැත්වෙන එක්දින ක්‍රිකට් තරගාවලියට සහභාගී වන ශ්‍රී ලංකා කණ්ඩායමට ළහිරු කුමාර කැඳවා ඇති බවට තොරතුරු වාර්තා වනවා.

ඒ, ආබාධයකට ලක් ව සිටින වේගපන්දු යවන ක්‍රීඩක අසිත ප්‍රනාන්දු වෙනුවෙන්.

ආබාධ තත්ත්වයක් හේතුවෙන් දෙරට අතර පැවැත්වෙන විස්සයි විස්ස ක්‍රිකට් තරගාවලිය අහිමි වූ පැතුම් නිස්සංක කණ්ඩායමට කැඳවා ඇති බවයි ශ්‍රී ලංකා ක්‍රිකට් ආරංචි මාර්ග සඳහන් කළේ.

ඒ අනුව අදාළ කණ්ඩායමේ නායකත්වය කුසල් මෙන්ඩිස් හට හිමිව ඇති අතර චරිත් අසලංක උපනායකයා ලෙස කටයුතු කරනු ලබනවා.

අවිශ්ක ප්‍රනාන්දු, සධීර සමරවික්‍රම, ජනිත් ලියනගේ, වනිඳු හසරංග, දුනිත් වෙල්ලාලගේ, ප්‍රමෝද් මධුෂාන්, මහීෂ් තීක්ෂණ, දිල්ෂාන් මධුසංඛ, කමිඳු මෙන්ඩිස්, අකිල ධනංජය, සහන් ආරංච්චිගේ සහ චාමික කරුණාරත්න කණ්ඩායමට එක් කිරීමට නියමිත බවටයි තොරතුරු වාර්තා වන්නේ.

විස්සයි විස්ස සංචිතයේ නොසිටි ක්‍රීඩකයින් හෙට දිනයේ දී බංගලාදේශ බලා ගමනු කර ඇති.