කැනඩාවේ ඔටාවා හි ජීවත්වූ ශ්රී ලාංකික පවුලක කුඩා දරුවන් හතර දෙනකු ඇතුළු හය දෙනකු ඒම නිවසේම ජීවත් වූ 19 හැවිරිදි ලාංකිකයෙකු විසින් බදාදා රාත්රියේ මරාදමා තිබේ.
මෙලෙස ඝාතනයට ලක්වී ඇත්තේ ඒම පවුලේ මව, දරුවන් සිව් දෙනා සහ ඔවුන් සමග ජීවත් වූ තවත් පුද්ගලයෙක් වන අතර පියාද දරුණු තුවාල ලබා රෝහල් ගතකර තිබේ. දරුවන් සිව් දෙනාම වයස අවුරුදු හතට අඩු අය බව ඔටාවා පොලිසිය පවසයි.
මියගොස් ඇත්තේ 35 හැවිරිදි දර්ශනී දිලන්තිකා ඒකනායක,හත් හැවිරිදි ඉනුක වික්රමසිංහ, සිව් හැවිරිදි අශ්විනි වික්රමසිංහ, දෙහැවිරිදි රින්යානා වික්රමසිංහ, දෙමස් හැවිරිදි කෙලී වික්රමසිංහ සහ වික්රමසිංහ පවුලේ හිතවතකු වූ 40 හැවිරිදි ගාමිණි අමරකෝන් යන අයවලුන් බව ඔටාවා පොලිසිය පැවසුවේය.
දාර සහිත ආයුධයක් භාවිතා කර ඝාතනයන් සිදුකර ඇති බව ද ඔටාවා පොලිසිය සඳහන් කරයි.
මියගිය හයදෙනා කැනඩාවට අලුතින් පැමිණි අය බවත්, බාලයා මාස තුනකට අඩු වයසින් පසුවන බවත් පොලිසිය පවසයි.
මෙම ඝාතනය සම්බන්ධයෙන් චෝදනා එල්ල වී ඇත්තේ එම පවුල සමඟ ජීවත් වූ ශ්රී ලංකාවේ 19 හැවිරිදි සිසුවෙකුටය. ඔහු ෆෙබ්රියෝ ද සොයිසා ලෙස පොලිසිය විසින් හඳුනාගෙන ඇත. මිනීමැරුම් චෝදනා හයක් සහ මිනීමැරීමට තැත් කිරීමේ චෝදනාවක් සම්බන්ධයෙන් ඔහුට චෝදනා ගොනුකර තිබේ.
මෙම සිදුවීම ඔටාවා හි මෑත ඉතිහාසයේ සිදුවූ විශාලතම ඝාතන සිද්ධිය බවත්, එය අගනුවරට “සැලකිය යුතු” බලපෑමක් ඇති කරන “සැබෑ ඛේදවාචකයක්” ලෙස හඳුන්වන බවත් ඔටාවා පොලිස් ප්රධානී එරික් ස්ටබ්ස් පැවසීය.
අගමැති ජස්ටින් ටෘඩෝ මෙම සිද්ධිය සම්බන්ධයෙන් “කම්පනය සහ භීතිය” ප්රකාශ කළ අතර එය ඔහු “බිහිසුණු ප්රචණ්ඩත්වයක්” ලෙස හැඳින්වීය.
ඔටාවා නගරාධිපති බහු ඝාතන සිදුවීම හැඳින්වූයේ “අපේ නගරයේ ඉතිහාසයේ වඩාත්ම කම්පන සහගත ප්රචණ්ඩත්වයේ සිදුවීමක්” ලෙසිනි. “ආරක්ෂිත ප්රජාවක ජීවත් වීම ගැන අපි ආඩම්බර වෙමු, නමුත් මෙම පුවත සියලුම ඔටාවා වැසියන්ට කණගාටුදායක ය”
අද (08) දිනය 2024 ජනාධිපතිවරණයට අදාළ නිල ඡන්ද දැන්වීම් පත්රිකා බෙදා හැරීමේ විශේෂ දිනයක් ලෙස…
පොළොන්නරුව මඩකලපුව ප්රධාන මාර්ගයේ කදුරුවෙල නගරයේ ඊයේ රාත්රී 8ට පමණ වෙළඳසැක් දෙකක හදිස්සි ගිනිගැනීමක් සිදු…
පසුගිය මැතිවරණ කටයුතුවලින් වෙහෙසට පත්වීම හේතුවෙන් ජාතික ජන බලවේගයේ නායක සහ ජනාධිපති අපේක්ෂක අනුර කුමාර…
2024 සැප්තැම්බර් මස 08 වන ඉරිදා දින කාලගුණ වාර්තාව මෙලෙස සයහන්ව තිබුණා. බස්නාහිර, සබරගමුව සහ…
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…