පුත්තලම උඩප්පුව පොලිසියේ නිලධාරියෙකු සිදුකළ පහරදීමකින් ප්රදේශවාසීන් දෙදෙනෙකු තුවාල ලබා හලාවත රෝහලට ඇතුළත් කර තිබේ.
මෙම පහරදීමත් සමග ඇතිවූ නොසන්සුන්තාව පාලනය කිරීමට මුන්දලම පොලීසිය කැඳවීමත් පියවර ගැණුනි.
පුත්තලම උඩප්පුව ප්රදේශයේදී ඊයේ රාත්රි 9.30ට පමණ ගැටුමක් හටගෙන තිබුණේ උඩප්පුව පොලීසියේ අපරාධ විමර්ශන අංශයේ ස්ථානාධිපතිවරයා සහ ප්රදේශවාසින් පිරිසක් අතරය.
පහරදීම සිදුකරන අවස්ථාවේ නිලධාරියා ඉතා අශෝභන ලෙස හැසිරෙමින් රැස්ව සිටි ජනතාවට පරුෂ වචනයෙන් බැණවදින අයුරු පුද්ගලයෙකු වීඩියෝගත කර තිබේ.
උඩප්පුව පොලීසියේ අපරාධ විමර්ශන අංශයේ ස්ථානාධිපතිවරයා පහරදීම සිදුකරන්නේ අනෙක් පොලිස් නිලධාරීන් දෙදෙනා පැමිණි මෝටර් රථයට ප්රදේශවාසීන් කෙළ ගැසූ බව පවසමිනි.
මෙම සිදුවීමත් සමග උඩප්පුව ප්රදේශයේ හටගත් නොසන්සුන්කාරී තත්වය පාලනය කිරීම සඳහා මුන්දලම පොලිසියේ නිලධාරීන් කැඳවා තිබුණි.
පහරදීමට ලක්වූ පුද්ගලයෙක්,
හෙඩ් ලයිට් ගහගෙන කාර් එකක් ආවා. VIP ලයිටුත් දාගෙන ආවේ. පොලීසියේ අය කාර් එකේ ආවේ. මමයි තව කට්ටියක් හිටියා. අපි කිව්වා හෙඩ් ලයිට් ගහගෙන එන්න එපා ඩිම් කරගන්න කියලා. එතකොට අපිට සද්දෙ දාලා ගියා. මම මාළු වාඩියට ගියා. පොලිසියේ දෙන්නෙක් ආවා. එයාලා උඩප්පු පොලීසියේ අය. එක්කෙනක් මගේ කනට ගැහුවා.පපුවටත් ගැහුවා. මම ඇදගෙන වැටුණා. මොකටද ගහන්නේ කියලා ඇහුවාම අපිට පරුෂ වචනයෙන් බැන්නා.
පහරදීමෙන් තුවාල ලැබූ ප්රදේශවාසින් දෙදෙනෙකු උඩප්පුව ග්රාමීය රෝහලට ඇතුලත් කිරීමෙන් පසු එක් පුද්ගලයෙකු හලාවත මහ රෝහලට මාරුකර යවා තිබේ.
අප වාර්තාකරු පැවසුවේ සිද්ධියෙන් පසු පොලිස් නිලධාරියාද උඩප්පුව රෝහලට ඇතුළත් වී ඇති බවය.
ප්රදේශවාසීන් පොලීසියෙන් ඉල්ලා සිටින්නේ බිමතින් අශෝභනව හැසිරුණු පොලිස් නිලධාරියා ට විරුද්ධව නිතිය ක්රියාත්මක කරන ලෙසය.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…