උත්සව සමයේ වෙළදපොලේ සිදුවන අනිසි මිල වැඩිවීම් පාලනය කිරීමට ඉදිරි සතියේදී බිත්තර සදහා උපරිම සිල්ලර මිලක් නියම කරමින් ගැසට් නිවේදනයක් නිකුත් කරන බව කෘෂිකර්ම අමාත්‍ය මහින්ද අමරවීර පවසනවා.
දේශීය බිත්තරයක් රුපියල් 50කටත් වඩා අඩු මිලකට අලෙවි කළ හැකි බවයි ඔහු කියා සිටියේ.
වෙළඳපොලේ දේශීය බිත්තරයක් මේ වනවිට අලෙවි වන්නේ රුපියල් 60ත් 65ත් අතර මුදලකටයි.
දිනකට ලක්ෂ 15 බැගින් වෙළඳපොලට බිත්තර නිකුත් කිරීමට අපේක්ෂා කරන බව රාජ්‍ය නීතිගත සංස්ථාවේ සභාපති ආසිරි වලිසුන්දර පවසනවා.
ලංකා සතොස හරහා එලෙස නිකුත් කරනු ලබන බිත්තරයක් 43ක මිලකට අලෙවි කරන බවයි ඔහු කියා සිටියේ